ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

پۋتين مەن ءسيدىڭ كەزدەسۋى: رەسەي قىتايعا جىل سايىن 10 ميلليارد تەكشە مەتر گاز ساتادى

04 ناۋرىز 2022 114
رەيتەر اگەنتتىگىنىڭ حابارلاۋىنشا، بەيجىڭدەگى قىسقى وليمپيادا ويىندارىنىڭ اشىلۋى قارساڭىندا پۋتين قىتايعا رەسەيدىڭ قيىر شىعىستان جىل سايىن 10 ميلليارد تەكشە مەتر تابيعي گاز جەتكىزۋگە دايىن ەكەنىن ايتتى. بۇل تۋرالى Alash.kz پورتالى BBC-گە سىلتەمە جاساپ حابارلايدى.

سونداي-اق ول رەسەي مەن جۇڭگو اراسىنداعى تاۋار اينالىمىنىڭ 200 ميلليارد دوللارعا جەتەتىنىنە سەنىمدى ەكەنىن ايتتى. پۋتين سونىمەن قاتار رەسەيلىك مۇناي كومپانيالارىنىڭ قىتايعا كومىرسۋتەگىن جەتكىزۋگە دايىن ەكەنىن ايتتى.

جۇڭگو مەن رەسەي قازىرگى ۋاقىتتا امەريكا قۇراما شتاتتارىنا باسەكەلەس بولىپ تابىلادى جانە ولار ءداستۇرلى ماعىنادا اسكەري وداق قۇرماسا دا، سوڭعى بىرنەشە جىلدا ەكى ەل امەريكا قۇراما شتاتتارىنىڭ ىقپالىنا قارسى تۇرۋ ءۇشىن ءارتۇرلى سالالارداعى ىنتىماقتاستىقتى كۇشەيتتى.

رەسەيدىڭ مەملەكەتتىك اقپارات قۇرالدارى رەسەي مەن قىتايدىڭ «كوپتەگەن گاز كەلىسىمدەرىن» دايىنداپ جاتقانىن حابارلادى.






لوندونداعى كورولدىك حالىقارالىق قاتىناستار ينستيتۋتىنىڭ رەسەي جانە ەۋرازيا باعدارلاماسىنىڭ عىلىمي قىزمەتكەرى اننەت بور دا جۇڭگو مەن رەسەيدىڭ ءبىر-بىرىن قولدايتىنىن جانە اقش پەن ونىڭ وداقتاستارىنا قارسى تۇرۋ ءۇشىن بىرگە جۇمىس ىستەي الاتىنىن ايتتى.





بۇل ماقالا تۋرالى نە ويلايسىز؟