ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

14 جىل بۇرىن ءجۋرناليستى ولتىرگەن ادام انىقتالدى

04 ناۋرىز 2022 93
 

بۇعان دەيىن قىلمىستىق توپ قۇردى دەگەن كۇدىككە ىلىنگەن قىلمىس سەركەسى سەرىك جامانايەۆ ەكى ادامدى ولتىرگەنىن مالىمدەدى.

قىلمىستىق ورتادا «سەرىك گولوۆا» لاقاپ اتىمەن تانىمال قىلمىس سەركەسى 2007 جىلى جۋرناليست ورالعايشا ومارشانوۆانى ولتىرگەنىن مويىندادى.

ۆرەميا باسىلىمنىڭ حابارلاۋىنشا، سەرىك گولوۆا ۇلتتىق قاۋىپسىزدىك كوميتەتى جۇرگىزگەن جەدەل ءىس-شارالار كەزىندە كىناسىن مويىنداعان. ونى قاراقشىنىڭ جۇبايى مەن ادوۆكاتى بۇل قادامعا يتەرمەلەگەن.

جامانايەۆ «زاڭ جانە ادىلەتتىلىك» گازەتى ءجۋرناليسى ومارشانوۆانىڭ دەنەسىن قايدا جەرلەگەنىن كورسەتىپ بەرگەن. سونداي-اق، ول تاعى ءبىر باسەكەلەسىن جولدان الىپ تاستاعانىن ايتقان.

تەرگەۋ يزولياتورىندا وتىرعان كەزدە سەرىك جامانايەۆقا سوڭعى دەڭگەيدەگى باۋىر قاتەرلى ىسىگى دياگنوزى قويىلىپ، ارتىنشا ول ءدىن جولىنا تۇسكەن.

سەرىك گولوۆا دەگەن كىم؟


1996 جىلى سەرىك جامانايەۆتىڭ اتى سوچيدە قىلمىس الەمىنىڭ سەركەسى سەرگەي ميحايلوۆتىڭ (ميحاس) قولداۋىمەن شىعا باستاعان. ول كسرو ىدىراعاننان كەيىن ءوز اتىن شىعارعان قاراقشىلاردىڭ ءبىرىنشى تولقىنى ەدى.

ەسكە سالساق، 2021 جىلى 18 قاڭتاردا الماتى سوتى ونى «باشكا» اتتى ۇيىمداسقان قىلمىستىق توپ قۇرعانى ءۇشىن 19 جىلعا سوتتالعان.

ايتا كەتسەك، 2007 جىلى 30 ناۋرىزدا الماتىدا جۋرناليست ورالعايشا ومارشانوۆا ءىز-تۇزسىز جوعالىپ كەتكەن. جۋرناليست سول كەزدەرى جەزقازعاندىق بانديتتىك توپتاردى زەرتتەۋمەن اينالىسىپ جۇرگەن. سوڭعى رەت ول بەلگىسىز قارا كولىككە مىنگەن كەزدە كوزگە تۇسكەن. ودان كەيىن جۋرناليستەن حات-حابار بولمادى.
بۇل ماقالا تۋرالى نە ويلايسىز؟