ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قاڭتار وقيعاسىنىڭ قۇرباندارىنا ارنالعان "تۇماندى قاڭتار" دەرەكتى ءفيلمى جارىق كوردى

07 ناۋرىز 2022 112
[ad_1]



قاڭتار وقيعاسى تۋرالى "تۇماندى قاڭتار" دەپ اتالاتىن دەرەكتى فيلم جارىق كوردى. وتكەن اپتانىڭ جۇما كۇنى الماتىداعى الاتاۋ تەاترىندا كوپشىلىككە كورسەتىلگەن فيلم جوباسىن "Assyltas" قوعامدىق قورى ۇسىنعان، رەجيسسەرى – دانيار سالامات.

فيلم "بالا"، "اكە"، "انا جانە وتباسى" دەيتىن ءۇش بولىمنەن تۇرادى. ءۇش بولىمدە ءۇش وتباسىنىڭ قاڭتار وقيعاسىنان كەيىنگى قايعى-قاسىرەتى كورسەتىلگەن.

"بالا" ءبولىمى قاڭتار ايىنىڭ باسىنداعى دۇربەلەڭ كەزىندە وققا ۇشقان 12 جاسار سۇلتان قىلىشبەككە، "اكە" ءبولىمى الماتى قالاسى المالى اۋداندىق پوليسياسىنىڭ قىزمەتكەرى، وقيعا كەزىندە قازا بولعان الەن اسىلحانوۆقا، "انا جانە وتباسى" ءبولىمى تالدىقورعاندا وتباسىمەن تۇگەل وققا ۇشقان نۇربولات سەيىتقۇلوۆ پەن التىناي ەتايەۆاعا جانە 15 جاستاعى قىزدارى نۇرايعا ارنالعان.

فيلمدە ءۇش وتباسىنىڭ دا اتا-انالارى مەن ەت جاقىن تۋىستارى سويلەيدى.

- بۇل فيلم – رەكۆيەم، جوقتاۋ. ادامنىڭ ءومىرى ەش بايلىقپەن ولشەنبەيتىنىن، مەملەكەتتىڭ باستى بايلىعى ادام ەكەنىن ايتقىمىز كەلدى،- دەيدى رەجيسسەر دانيار سالامات.

"اسىلتاس" قوعامدىق قورىنىڭ وكىلى راۋان وقاس "قازا بولعان پوليسەي دە، قاراپايىم ادامدار دا قاڭتار وقيعاسىنىڭ قۇرباندارى" دەپ سانايدى.

12 جاسار سۇلتان قىلىشبەك الماتىدا قاڭتاردىڭ بەسىنە كەشكە قاراي اناسىمەن بىرگە دۇكەنگە بارا جاتقان كەزدە وق ءتيىپ، قازا بولعان ەدى.

المالى اۋداندىق پوليسياسىنىڭ اعا سەرجانتى، 1993 جىلى تۋعان الەن اسىلحانوۆ ىشكى ىستەر مينيسترلىگى تاراتقان مالىمەتكە قاراعاندا المالى اۋداندىق ىشكى ىستەر ءبولىمىن قورعاۋ كەزىندە قازا بولعان.

ءبىر وتباسى: نۇربولات سەيىتقۇلوۆ پەن التىناي ەتايەۆا جانە 15 جاستاعى قىزدارى نۇراي قاڭتاردىڭ سەگىزىنە تالدىقورعان قالاسىندا كەشكى توعىزدار شاماسىندا جەكە كولىكتەرىمەن كەتىپ بارا جاتقاندا ارنايى جاساقتىڭ وعىنان قايتىس بولعان. تالدىقورعانداعى اسكەري تەرگەۋ باسقارماسى وق اتقان اسكەريلەردىڭ ىسىندە قىلمىستىق سيپات بار دەپ ەسەپتەيتىنىن، قىلمىستىق ءىس قوزعالعانىن حابارلاعان.

قاڭتار وقيعاسى كەزىندە رەسمي مالىمەت بويىنشا قازاقستاندا بارلىعى 227 ادام قازا بولعان. باسىم كوپشىلىگى بەيبىت تۇرعىندار، اراسىندا پوليسەيلەر مەن اسكەري قىزمەتكەرلەر دە بار. قازاقستان بيلىگى وقيعا كەزىندە قازا بولعان ادامدار ءتىزىمىن جاريالاماي وتىر.



[ad_2]

دەرەككوز
بۇل ماقالا تۋرالى نە ويلايسىز؟