كورپوراتيۆتىك قوردىڭ پرەزيدەنتى 5 جىلعا سوتتالدى
پاۆلوداردا بيۋدجەتتەن مۇگەدەكتەرگە بەرىلەتىن 19 ملن تەڭگە ۇرلاعان كورپوراتيۆتىك قوردىڭ پرەزيدەنتى ۇستالدى. قوردىڭ باسشىسى بولعان ايەل جالعان ەڭبەك شارتتارىن جاساپ، قازىناعا قول سالعان.
Polisia.kzء-تىڭ حابارلاۋىنشا، ايەلدىڭ ۇستىنەن قىلمىستىق ءىس قوزعالىپ، ول باس بوستاندىعىنان ايىرىلدى.
سوتتالعان ازامات ءوزىنىڭ قىزمەتىن اسىرا پايدالانا وتىرىپ، قوردىڭ ۆيسە-پرەزيدەنتىمەن بىرگە مۇگەدەكتەرگە كومەك كورسەتەتىن ادامدارعا قىزمەت كورسەتۋدىڭ اقىسىن بيۋدجەت قاراجاتىنان الاياقتىقپەن جىمقىرعان. ولار وسى ۇيىمدا جۇمىس ىستەمەيتىن ادامدارمەن جالعان ەڭبەك شارتتارىن راسىمگەن. وسىلايشا، بيۋدجەت قاراجاتىنان 19 ملن تەڭگەدەن استام قاراجاتتى قالتاعا باسقان. سوت سوتتالعان ازاماتتى ق ر قك-نىڭ 190-بابىمەن قىلمىستىق قۇقىقبۇزۋشىلىق جاساعانى ءۇشىن كىنالى دەپ تانىپ، 5 جىلعا باس بوستاندىعىنان ايىردى.
سوتتالعان ءوزىنىڭ كىناسىن ءتۇسىنىپ، جاساعان ىسىنە وكىندى. اباي وبلىسى بويىنشا ايەلدەر كولونياسىنا كەلگەن كۇننەن باستاپ مەكەمە قىزمەتكەرلەرى سوتتالۋشىنىڭ قۇقىعى مەن مىندەتتەرىن ءتۇسىندىردى، – دەدى مەكەمە باستىعىنىڭ تاربيە جۇمىسى بويىنشا ورىنباسارى انار سابييەۆا.
پاۆلوداردىڭ 62 جاستاعى تۇرعىنى 1، 2، 3-توپتاعى مۇگەدەكتەر بىرلەستىگىنە جىبەرىلەتىن، ولاردىڭ قۇقىعى مەن مۇددەسىن قورعاۋعا، مۇگەدەكتەردى ەڭبەككە، مادەنيەت جانە سپورتقا باۋلۋعا، ولاردىڭ الەۋمەتتىك وڭالۋى مەن باسقا دا كومەكتەرىنە قولداۋ كورسەتەتىن كورپوراتيۆتىك قوردىڭ پرەزيدەنتى بولعان.
