وڭىرلەر بويىنشا باعانىڭ وسكەنىن، اسىرەسە، الماتى تۇرعىندارى سەزدى. سەبەبى وندا تاكسي باعاسى ءبىر جىلدا 30،3% قىمباتتاعان. ەكىنشى جانە ءۇشىنشى ورىنداردا 22،1 جانە 17%-بەن اقتوبە مەن اباي وبلىستارى تۇر.
تاكسي باعاسى ايتارلىقتاي قىمباتتاماعان ءوڭىر – ماڭعىستاۋ وبلىسى (1،2%). الماتى، شىعىس قازاقستان جانە باتىس قازاقستان وبلىستارىندا باعا بۇرىنعىشا قالعان.
2023 جىلعى قاڭتار-جەلتوقسان ارالىعىندا تاكسي قىزمەتىن كورسەتەتىن كومپانيالاردىڭ تابىسى ءبىر جىلدا 17%، 5،9 ملرد تەڭگەگە دەيىن ارتقان. وسى كەزەڭدە تاكسي قىزمەتىن 47،4 ملن ادام پايدالاندى. بۇل – ءبىر جىل بۇرىنعى كورسەتكىشتەن 2% تومەن. جولاۋشى اينالىمى 44%، 1،4 ملرد شاقىرىمعا دەيىن قىسقارعان.
قاڭتار-قاراشا ارالىعىندا تاكسي قىزمەتى سالاسىنداعى نەگىزگى كاپيتالعا سالىنعان ينۆەستيسيا كولەمى 751،9 ملن تەڭگەگە جەتتى. ءبىر جىل بۇرىنعى كورسەتكىش 495،1 ملن تەڭگە ەدى. ينۆەستيسيانىڭ جىلدىق ءوسىمى 51،8% بولىپ تۇر.
ەڭ كوپ ينۆەستيسيا الماتى وبلىسىنا (360،6 ملن تەڭگە) قۇيىلدى. بۇل – ءبىر جىل بۇرىنعى كورسەتكىشتەن 6،9 ەسە كوپ. قازاقستانداعى ءوڭىر ۇلەسى – 48%.
Numbeo دەرەگىنشە، بيىل 15 قاڭتارداعى جاعداي بويىنشا ستاندارت تاريفپەن 1 شاقىرىمعا ءجۇرۋدى ەسەپتەگەندە، ەڭ قىمبات تاكسي باعاسى شۆەيساريا (4،63 دوللار)، ليۋكسەمبۋرگ (3،29 دوللار) پەن كۋۆەيتتتە (3،25 دوللار) تىركەلگەن.
قازاقستانداعى تاكسي قۇنى 0،61 دوللار بولدى. بۇل – تمد ەلدەرى ىشىندەگى ەڭ جوعارى كورسەتكىش. ازەربايجاندا ستاندارت تاريفپەن 1 شاقىرىم جول ءجۇرۋ – 0،59 دوللار، رەسەيدە – 0،34 دوللار، ۋكراينادا – 0،32 دوللار، بەلارۋسيادا – 0،31 دوللار، ارمەنيا مەن وزبەكستاندا – 0،3 دوللار.
