ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ورگانعا كەتپەگەن!". بايسەمىزوۆا نە ءۇشىن قىمبات دوسجانعا شۇيلىكتى؟

29 قاڭتار 2024 56
«شەتەلدەگى قازاق بالالارى» باعدارلاماسىنىڭ اۆتورى، جۋرناليست جانار بايسەمىز وڭتۇستىك افريكا رەسپۋبليكاسىنىڭ ازاماتتارى اسىراپ العان قازاق بالالارىنىڭ جاعدايىن ايتقان قىمبات دوسجاندى ايىپتادى.

جاقىندا قىمبات YouTube ارنالاردىڭ بىرىنە بەرگەن سۇحباتىندا شەتەلدىكتەردىڭ نە سەبەپتى قازاق بالالارىن اسىراپ الۋعا اۋەس ەكەنىن ايتقان.
«قازاقتىڭ قانىنىڭ تازالىعى بالا اسىراپ الۋداعى ەڭ باستى كريتەرييى ەكەن عوي. دارحان ءقىدىرالى مىرزا ايتپاقشى، لاي سۋ ءىشىپ، قارا نان تاپپاي جۇرگەن وڭتۇستىك افريكاعا، كەنياعا بالالارىمىزدى اسىرىپ جىبەرەتىندەي باسىمىزعا نە كۇن تۋدى؟ ماسقارا عوي. 30 بالانىڭ ءىزى دە جوق. ولاردى ءتىرى دەپ ويلامايمىن. شىرقىراتىپ ەكپە سالىپ، قاتىرا سالعان شىعار دەپ ويلايمىن. نەگە ءبىز يزرايل بولسىن، گەرمانيا بولسىن، بۇل ەلدەردە ادام اعزاسىنىڭ بانكى مىقتى دامىعان دەپ ايتامىز. ولار دا كەيىن دامىعان ءۇشىنشى، ءتورتىنشى ەلدەر دەيدى عوي، مۇمكىن سولاردىڭ بالالارىن الاتىن شىعار. كەنيالىقتار ءبىزدىڭ بالالاردى الىپ، سولارعا ساتىپ جىبەرگەن شىعار. نەشە ءتۇرلى وي كەلەدى»، – دەيدى ول كۇدىگىن جاسىرماي.

ءبىراق جانار بايسەمىزوۆانىڭ ايتۋىنشا، وڭتۇستىك افريكا رەسپۋبليكاسىنداعى ق ر ەلشىلىگىندە كونسۋلدىق ەسەپتە 31 قازاقستاندىق جەتىم بالا تىركەلگەن. ءبىراق بالالار كامەلەتتىك جاسقا تولىپ كەتكەندىكتەن، كونسۋلدىق ەسەپتەن شىعارىلعان.
«ولار ەندى وار ازاماتتارى. قازىرگى ۋاقىتتا كونسۋلدىق ەسەپتە قازاقستاندىق ءبىر بالا بار، ونىڭ جاسى 16-دا. اسىراپ العاندا جۇرەگىندە اقاۋ بولعان، ەمدەتكەن، ءقازىر جاعدايى جاقسى. قالعان بالالار دا ءدىن-امان.  ولمەگەن، ءتىرى! ورگانعا كەتپەگەن! وار-نىڭ ءتۇرلى قالاسىندا تۇرىپ جاتىر. ولاردى اق ناسىلدىلەر اسىراپ العان، كوپشىلىگى ەۆرەي. تۇرمىستارى جاقسى، اراسىندا ديپلوماتتار دا بار. قازاقستاندىق جەتىم بالالاردى اسىراپ العانداردىڭ ىشىندە قىتايلار دا بار»، – دەپ جازدى جۋرناليست.

ونىڭ ايتۋىنشا، وڭتۇستىك افريكا رەسپۋبليكاسىنداعى 31 بالانىڭ قۇجاتى 2014 جىلى مىسىرداعى ق ر ەلشىلىگىنەن وار-عا بەرىلگەنى ايتىلعان. ويتكەنى بۇل ۋاقىتقا دەيىن وار-دا قازاقستان وكىلدىگى بولماعان.
«وسى 31 بالانىڭ ۇشەۋى كەنيادا. وار-داعى ق ر ەلشىلىگىنە 14 مەملەكەت قارايدى، ءبىراق كەنيا جوق. كەنياداعى قازاقستاندىق ءۇش بالانى دانيا، نيدەرلاند ەلدەرىنىڭ ازاماتتارى اسىراپ العان. ولار دا ءدىن امان. نايروبي قالاسىندا تۇرادى. جالپى، وڭتۇستىك افريكا رەسپۋبليكاسى – افريكاداعى ەڭ دامىعان ەل (ينتەرنەتتەن وقىپ الىڭىزدار). وار-داعى 30 شاقتى بالانىڭ 11ء-ى قازاق»، – دەيدى جانار بايسەمىزوۆا.

سونداي-اق ول جۋرناليستەر جالعان اقپارات بەرمەي، ناقتى مالىمەت تاراتۋ قاجەتتىگىن العا تارتتى.
«ب ا ق وكىلدەرى ويىنا كەلگەندى ايتا بەرمەۋ كەرەك. دالەل، فاكتپەن سويلەۋ كەرەك. وار قازاقستاندىق جەتىم بالالارعا قاتىستى تاراعان جالعان اقپارات ەل ىشىندە دۇربەلەڭ تۋعىزىپ جاتقان سوڭ، ءوز پاراقشام ارقىلى وسى مالىمەتتەردى جاريالاپ وتىرمىن. ەلىمىزدىڭ سىرتقى ىستەر مينيسترلىگى، ونىڭ ىشىندە ەلشىلىكتەر، ديپلوماتتار وزدەرىنە جۇكتەلگەن مىندەتتى دۇرىس اتقارىپ جاتىر»، – دەپ جازدى تەلەجۋرناليست.
بۇل ماقالا تۋرالى نە ويلايسىز؟