بيىل 2 جىل بۇرىن باستاۋ العان اقجولتاي حابار ءوز جالعاسىن تاۋىپ، "اداي جىلقىسى" برەندىن پايدالانۋدىڭ ايرىقشا قۇقىعىن راستايتىن كۋالىك تابىستالدى. ەندى "اداي" تۇقىمدى قازاق جىلقىسىنىڭ ەرەكشە قاسيەتتەرى ەندى زاڭدى تۇردە بەكىتىلىپ وتىر. وسى تۇستا ءوڭىردىڭ اۋىل شارۋاشىلىعى سالاسىنداعى ەڭبەك ارداگەرى دارجوك سەيباعىتوۆ تا يگى باستاماعا وراي العىسىن ءبىلدىردى.
"مەملەكەتىمىزدىڭ باسشىسى قاسىم-جومارت كەمەل ۇلى توقايەۆ مىرزا ماڭعىستاۋ حالقىمەن كەزدەسكەندە وسى اڭگىمەنى كوتەردى. ول كىسى جىلقىنى برەند قىلىپ، اسىل تۇقىمىن زاڭداستىرۋىمىز كەرەك دەيتىن تاپسىرما بەردى. سونىڭ ارقاسىندا ءبىر 2-3 جىلدىڭ ىشىندە شارۋا ءبىتتى. كەشە حالىقتى جيناپ، وسىندا عالىمدار كەلىپ، ىستەگەن ءىستى، مەملەكەت باسشىسىنىڭ تاپسىرماسىن ورىنداعانىن جاريا ەتتى. ءبىز سوعان رازىمىز جانە راقمەت ايتامىز. قازاقتىڭ ارمانى ورىندالدى!" - دەيدى ول.
ايتا كەتەيىك، اداي جىلقىسى - قازاق وتە ەرتەدەن سالت مىنەتىن جىلقى تۇقىمدارىنىڭ ءبىرى. ونىڭ ەرەكشە قاسيەتى، ءتوزىمدىلى جونىندە ايتىلاتىن ەل ىشىندە اڭىز-اڭگىمە كوپ. "قازاقتىڭ اداي جىلقىسى ارال-كاسپيي ويپاتىنىڭ اۋماعىندا جەرگىلىكتى جىلقى پوپۋلياسياسىنىڭ كوپجىلدىق حالىق سەلەكسياسى نەگىزىندە قالىپتاستى. بۇل تۇقىمنىڭ جىلقىلارى جەرگىلىكتى قاتال تابيعي-كليماتتىق جاعدايلارعا جاقسى بەيىمدەلگەن. سىرتقى ەرەكشەلىكتەرگە ايرىقشا ءتوزىمدى جانە كۇتىپ-باپتاۋ جاعدايلارىنا تەز بەيىمدەلەدى"، - دەپ جازىلعان ماڭعىستاۋ وبلىسى اكىمدىگى حابارلاماسىندا.
