ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قازاقستاندىقتار ءوز ەلتاڭباسىن تانىمايدى. نەگە؟

29 قاڭتار 2024 42
جاڭا ادامدار ەلتاڭبا ءرامىزى تۋرالى  قازاقستاندىقتاردىڭ پىكىرىن ءبىلۋ ءۇشىن استانا مەن الماتى قالالارىندا 500-دەن استام ءار-تۇرلى جاستاعى تۇرعىنداردان، الەۋمەتتىك ساۋالناما جۇرگىزۋ ارقىلى، زەرتتەۋ جاساعان.

شىققان قورىتىندى ادامدى ويلاندىراتىنى ءسوزسىز. ساۋالناما جۇرگىزۋ كەزىندە، تۇرعىندارىمىزدىڭ باسىم كوپشىلىگىنىڭ ەسىنە ەلىمىزدىڭ ءرامىزىنىڭ بەينەسى تۇسپەدى.

ساۋالناماعا قاتىسۋشىلاردىڭ 70% ەلتاڭبامىزدىڭ بەينەسىندەگى جەكەلەگەن ەلەمەنتتەرىنىڭ ءمان مەن ماعىناسىن تۇسىنبەيتىنىن كورسەتتى. ساۋالناماعا قاتىسۋشىلاردىڭ 30% عانا التى بىردەي ۇقساس رامىزدەر اراسىنان ءبىزدىڭ ءتول ەلتاڭبامىزدى ناقتىلاپ، تانىپ كورسەتە الدى. ءتىپتى كوبىسىنىڭ ۇقساس رامىزدەر اراسىنان قاناتتى تۇلپارى بار ءوزىمىزدىڭ ەلتاڭبامىزدى ەمەس، قۇستار مەن ايداھار بەينەلەنگەن وزگە رامىزدەردى كورسەتكەندەرى تاڭ قالدىردى.

ساۋالناما بارىسىندا وتانداستارىمىزدان ءبىزدىڭ مەملەكەتىمىزدى ادامي قاسيەتتەرمەن سيپاتتاپ بەرۋىن سۇراعان بولاتىنبىز.

استانا مەن الماتى قالالارىنداعى تۇرعىنداردىڭ باسىم كوپشىلىگى بىردەي جاۋاپ بەردى. قازاقستان - بۇل قوناقجايلىلىق، ەركىندىك، وتباسى قۇندىلىقتارى مەن بىرلىك دەپ جاۋاپ بەردى.

ءبىراق تا، وسى ايتىلعان باستى قۇندىلىقتاردى قازىرگى ءبىزدىڭ ەلتاڭبامىزدا كورە الماعاندارى جايلى رەسپوندەنتتەردىڭ باسىم كوپشىلىگى اتاپ ءوتتى.

مەملەكەتىمىزدىڭ قازىرگى ەلتاڭباسى بىرلىك پەن ىنتىماق شاقىرىپ، ءرامىز رەتىندە ءوز ماڭىنا شوعىرلاندىرا الا ما؟

ساۋالناما قورىتىندىسى قاراپايىم تۇرعىندارىمىزدىڭ ءرامىز ماعىناسىن تۇسىنبەيتىنىن جانە تاني المايتىنىن دا كورسەتتى. قاراپايىم حالىق ءۇشىن ءرامىز - كىتاپ بەتتەرىندەگى سۋرەت سەكىلدى نەمەسە مىندەتتى تۇردە باسشىلاردىڭ كابينەتتەرىندە ءىلىنىپ تۋرۋى كەرەك مەملەكەتتىك دۇنيە رەتىندە قابىلدانعانداي، ەلتاڭبامىزدىڭ سەميوتيكاعا نەمەسە ماعىناعا يە بولماعاندىعى ما؟

نەلىكتەن بۇنداي قورىتىندىعا كەلدىك؟ ماسەلە قازاقتاندىقتاردا ما؟ الدە كىنارات رامىزىمىزدە مە؟

كۇردەلى، ەكلەكتيكالىق ماعىنامەن، سوۆەتتىك ۇكىمەتتەن قالعان ەلەمەنتتەر، ءرامىزىمىزدىڭ نۇرىن تۇمشالاعان ىسپەتتى جانە ءبىزدى ءبىر ۇلت رەتىندە شوعىرلاندىرۋ مىندەتىن اتقارا المايتىن حالدە.

مادي وميرزاكوۆ، جاڭا ادامدار:

"پرەزيدەنت قاسىم-جومارت توقايەۆ جاڭا ادىلەتتى قازاقستاندى قۇرۋ باعدارىن ۇسىندى. قاراپايىم حالىقتىڭ، ۇسىنىستارىمەن وتىنىشتەرىن، تىڭداي بىلەتىن مەملەكەتتى قالىپتاستىرۋ. وسى ارادا، جاڭا ءرامىزىمىز تۋرالى وي تولعانساق، جاڭارعان جاڭا قازاقستاننىڭ جاڭا ءرامىزى جاھاندىق كەدەرگىلەردەن تايسالماي ءوتۋ جولىندا، حالقىمىزدىڭ بىرلىگىمەن ىنتىماعىن كۇشەيتەرى ءسوزسىز”.

https://www.instagram.com/reel/C2mGFOosKm3/؟igsh=MTl2cTg2Mmo5NmU5dg==

[video width="1080" height="608" mp4="https://alash.kz/wp-content/uploads/2024/01/4c54edbaf08c478ba1fff2fb426c05b2.mp4"][/video]
بۇل ماقالا تۋرالى نە ويلايسىز؟