ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"ءولتىرىپ العانىن جاسىردى". اق ايۋدى "وبالدى قىلعان" الماتى زووباعىنا پراگا ماماندارى شۇيلىكتى

25 مامىر 2024 186

پراگا زووباعىنىڭ ديرەكتورى ميروسلاۆ بوبەك الماتىداعى اق ايۋدىڭ ولىمىنە قاتىستى تىڭ مالىمدەمە جاسادى. ونىڭ حابارلاۋىنشا، اق ايۋ 4 مامىردا ولگەن، ال زووباق بۇل جونىندە 22 مامىردا عانا حابار بەرگەن. 18 كۇن بويى مۇنى جاسىرعان، دەپ جازدى Alash.KZ ۇلتتىق پورتالى. 

"ءقازىر الماتى حايۋاناتتار باعىنداعى جاعداي بىزدىكىنە قاراعاندا جاقسى. تومنىڭ كوبەيۋىنە جاعداي جاسالۋى كەرەك ەدى. توم بىزدەن 28 ناۋرىزدا ەشقانداي اۋرۋ بەلگىلەرىنسىز كەتتى. ءبىزدىڭ بىلۋىمىزشە، الماتىعا ەش قيىندىقسىز جەتكىزىلدى. كەيىن الماتىدان سۋرەتتەر مەن جازباشا ەسەپتەردى الدىق. 15 ساۋىردەگى سوڭعى حابارلامادا "ايۋدىڭ جاعدايى جاقسى" ەكەنى ايتىلعان"، – دەدى بوبەك.ءيىن الماتىدان سۋرەتتەر مەن جازباشا ەسەپتەردى الدىق. 15 ساۋىردەگى سوڭعى حابارلامادا "ايۋدىڭ جاعدايى جاقسى" ەكەنى ايتىلعان"، – دەدى بوبەك.

ەسكە سالايىق، الماتى زووباعىندا پراگادان اكەلىنگەن توم اتتى 16 جاستاعى اق ايۋ ءولىپ قالدى. ناۋرىزدىڭ سوڭىندا ولگەن ايۋ جونىندە پراگا زووباعىنىڭ ديرەكتورى ميروسلاۆ بوبەك Facebook پاراقشاسىندا جازدى.

قازاقستان جاعى ايۋدىڭ ولىمىنە "مۇرىن جانە ماڭدايدىڭ قابىنۋىنان ءىرىڭ اعىپ، ۋلى زات اعزاعا تاراپ، ميدىڭ ىسىنۋىنە الىپ كەلگەنى" سەبەپ بولعانىن العا تارتقان.

پراگا زووباعى ايۋدىڭ قازاقستانعا اۋىرعان كۇيى جونەلتىلگەنىن تەرىسكە شىعارادى.

 

بۇل ماقالا تۋرالى نە ويلايسىز؟