ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

رامزان قادىروۆتىڭ 18 جاستاعى ۇلى ماگومەد ادييەۆ كلۋبىنا باسشى بولىپ تاعايىندالدى

24 مامىر 2024 265
 
شەشەنستان باسشىسى رامزان كادىروۆتىڭ ۇلى احمات كادىروۆ گروزنىيلىق «احمات» كلۋبىنا پرەزيدەنت بولىپ تاعايىندالدى دەپ حابارلادى «چەمپيونات» سايتى. اتالعان كوماندانى قازاقستان قۇراماسىنىڭ باس باپكەرى ماگومەد ادييەۆ جاتتىقتىرادى.

بۇعان دەيىن اتالعان قىزمەتتى رامزان كادىروۆتىڭ جاقىن سەرىكتەرىنىڭ ءبىرى ماگومەد داۋدوۆ اتقارىپ كەلگەن بولاتىن.

«احمات» كلۋبىنىڭ جاڭا پرەزيدەنتى بولىپ شەشەنستاننىڭ دەنە شىنىقتىرۋ جانە سپورت ءمينيسترى احمات كادىروۆ تاعايىندالدى. احمات رامزان ۇلىنىڭ باسشىلىعىمەن كلۋب جاڭا جەتىستىكتەر مەن جەڭىستەرگە جەتەرىنە سەنىمدىمىز.

ال، ۆيسە-پرەزيدەن رەتىندە دەنە شىنىقتىرۋ جانە سپورت ۆيسە-مينيسترى ۋمار داۋدوۆ تاعايىندالدى. سىزدەرگە ساتتىلىك تىلەيمىز. بىرگە جەڭىسكە جەتەمىز»، - دەپ جازىلعان كلۋبتىڭ رەسمي وكىلدەرى تاراتقان حابارلامادا.

ايتا كەتەيىك، احمات كادىروۆتىڭ جاسى نەبارى 18-دە. ول بۇعان دەيىن شەشەنستاننىڭ جاستار ءىسى جونىندەگى ءمينيسترى، ونىڭ الدىندا دەنە شىنىقتىرۋ جانە سپورت ۆيسە-مينيسترى بولعان. ال، ونىڭ تۋعان ءىنىسى ادام كادىروۆ كامەلەتكە تولماسا دا جۋىردا عانا شەشەنستانداعى ۋنيۆەرسيتەتتەردىڭ بىرىنە باسشىلىق قىزمەتكە تاعايىندالعان. سونداي-اق، ول ءبىر جىلدىڭ ىشىندە التى رەت مەملەكەتتىك ناگرادا العان.

بۇل ماقالا تۋرالى نە ويلايسىز؟