ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءوزىنىڭ ەكى بالاسىن تۇنشىقتىرىپ ءولتىردى دەگەن مۇعالىمگە قاتىستى سوت وتىرىسى ءوتتى

22 مامىر 2024 438

قىزىلوردالىق ايەل تۇركىستان قالاسىندا ءوزىنىڭ 3 جاسار قىزى مەن 4 جاسار ۇلىن ءولتىردى دەگەن كۇدىككە ىلىنگەن ەدى. بۇعان قاتىستى شىمكەنت قالاسىندا سوت وتىرىسى ءوتتى، دەپ حابارلايدى Alash.KZ ۇلتتىق پورتالى.

ءوز بالالارىن ءولتىردى دەگەن كۇدىكپەن ۇستالعان 30 جاستاعى بوتا حاميتوۆا اقپان ايىندا شىمكەنت قالاسىنداعى قوناق ۇيدە ۇستالعان ەدى.

“تۇنگى ساعات ون بىرلەر شاماسىندا ويىن ساۋىق ورتالىعىنا بالالارىن اپارعان ايەل، بىرەر ساعاتتان سوڭ سول ماڭداعى جالدامالى پاتەرگە كەلەدى. الدىمەن بالالارىن ۇيىقتاتىپ، كەيىن قىزىن جانە ۇلىن كەزەكپەن دالىزگە شىعارىپ، تۇنشىقتىرعان. ءسويتىپ، تۇنگى بىردە بالالاردى ءولتىرىپ، وزىنە دە قول سالماق بولادى. الايدا، ويىنان اينىپ، تاڭەرتەڭ شىمكەنتكە شىعىپ كەتەدى”، – دەلىنگەن سوت اكتىسىندە.

ايىپتالۋشى قىلمىستى كۇيەۋى كوڭىل بولمەگەن سوڭ مۇنداي قانىپەزەرلىكتى جوسپارلاپ جاساعانىن ايتقان.

ال، ونىڭ ادۆوكاتى ەسى دۇرىس ادام بالالارىن ولتىرمەيتىنىن ايتىپ، پسيحياتريالىق ساراپتاما تاعايىنداۋدى سۇرادى.

ايىپتالۋشى بۇعان دەيىن شيەلى اۋدانىندا باستاۋىش سىنىپ ءمۇعالىمى بولىپ جۇمىس ىستەگەنى بەلگىلى بولدى. 

بۇل ماقالا تۋرالى نە ويلايسىز؟