ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"سالتاناتتىڭ تاعدىرىن كەشەتىنىمدى ايتتى". اقتوبەدەن تاعى ءبىر بيشىمبايەۆ پايدا بولدى

24 مامىر 2024 364

اقتوبەلىك جىگىت مەدبيكەنى ءبىر اي بويى اڭدىعان، - دەپ حابارلايدى Alash.kz سايتى "دياپازون" سايتىنا سىلتەمە جاساپ.

ەر ادام ەسىكتى قيراتىپ، مەدبيكە قىز سالتاناتتىڭ تاعدىرىن كەشەتىنىن ايتقان. ەر ادام قىزمەتكەرلەردى قورقىتىپ، ارتىنشا قاشىپ كەتكەن. 

 
وقيعا قالاداعى 22 مامىردا وتباسىلىق مەديسينا ورتالىعىندا بولعان. 

"كابينەتتە ۇشەۋىمىز وتىرامىز. ساعات تاڭعى 10 شاماسىندا قولىندا سيرەن گ ۇلى بار ەر ادام كىرىپ كەلدى. بۇل ءبىر ناۋقاس دەپ ويلادىق. ءبىراق بۇل مەنى ءبىر اي بويى اڭدىپ جۇرگەن جىگىت بولىپ شىقتى. بۇعان دەيىن ماعان بىرنەشە رەت حابارلاستى. ەڭ العاش ونى قىزدارمەن فۋتبولدا ءساۋىر ايىندا كوردىك. ارتىنشا ماعان ينستاگرامدا جازىپ ءجۇردى. مەن ۋچاسكەلىك مەدبيكەمىن، سوندىقتان مەنىڭ ءنومىرىمدى دە تابۋ قيىن ەمەس. ول جىگىت ماعان ءارتۇرلى نومىرمەن حابارلاسىپ ءجۇردى. كەزدەسۋىمىزدى تالاپ ەتتى. ول جىگىتتەن ورقا باستادىم.

جاقىندا مەنىڭ ءۇيىمنىڭ قاسىندا تۇرعانىن ايتىپ شىعۋىمدى سۇرادى. مەن جايىمدا قالدىرۋىن سۇراپ، مەنىڭ جىگىتىم بارىن ايتتىم. تاعى دا حابارلاسقاننان كەيىن پوليسياعا حابارلاستىم. پاترۋل كەلىپ، ارىز جازدىم. 22 مامىردا ول جىگىت جۇمىسىما كەلىپ، ايعايلاپ، مەن سويلەسىپ جۇرگەن جىگىت تۇرمەدە وتىرعانىن ايتىپ، ماعان بيشىمبايەۆ سەكىلدى ارەكەتتەر جاساپ، مەن سالتاناتتىڭ تاعدىرىن كەشەتىنىمدى ايتتى"، - دەپ جازدى Massaget.kz 22 جاستاعى امانگۇل تۋرالى.        

جەرگىلىكتى پوليسيا دەپارتامەنتى ەر ادام ۇستالعانىن حابارلاعان. پوليسيا مالىمەتىنشە، ەر ادام پسيحياتريالىق ەسەپتە تۇر، ونى پسيحبريگادا الىپ كەتكەن. 

بۇل ماقالا تۋرالى نە ويلايسىز؟