ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"مۇنداي اكەنىڭ بارىنان جوعى جاقسى". ماڭعىستاۋلىق جىگىت ءوز وتباسىن اياۋسىز سابايتىن اكەسىنەن قۇتقارۋدى سۇرادى

02 ماۋسىم 2024 187

الماتى قالاسىندا جۇمىس ىستەيتىن ماڭعىستاۋلىق جىگىت وتباسىنداعى جاعدايدى ايتىپ ينستاگرام جەلىسىنە ۆيدەو جۇكتەدى. الماتىدا ءجۇرىپ ماڭعىستاۋداعى ۇي-ىشىنە  الاڭداعان ازامات اكەسىنىڭ ارەكەتىنە شاعىمدانىپ، اناسى مەن باۋىرىنا اراشاشى بولۋدى ءوتىندى، دەپ حابارلايدى Alash.KZ ۇلتتىق پورتالى. 

ۆيدەو جۇكتەگەن جىگىت ءوزىنىڭ دە ازاپتى بالالىق شاعىن، اكەسىنەن تالاي تاياق جەگەن كەزدەرىن ايتتى. "50 دەن اسسا دا جامان ادەتىن قويمايتىن اكەنىڭ بارىنان جوعى جاقسى" ەكەنىن باياندادى:

«ماڭعىستاۋ وبلىسى  مۇنايلى اۋدان پوليسياسىنا كەلدىك. پوليسيانىڭ ايتۋىنشا جابىرلەنۋشىنىڭ العان جاراقاتىنا قاراي كۇدىكتى جازالانادى. ءقازىر اكەمدى ۇستاپ، قايتا جىبەرە سالادى. ول شىققاننان كەيىن ودان سايىن وشىگىپ، ءىنىم مەن انامدى ءولىمشى ەتىپ سابايدى. ءوزىم الماتىعا جۇمىسىما كەتەر بولسا بۇلاردىڭ كۇنى نە بولماق؟

اكەم مەنى دە بالا كۇنىمدە ۇنەمى سابايتىن، قولىنا تۇسكەن وقتاۋمەن ۇراتىن. انام ەكەۋىمىزدى كەزەكپەن سابايتىن. ەندى ءىنىم مەن اناما تىنىشتىق جوق. نە سەبەپتى وتباسىلىق زۇلىمدىق جاساۋشىلاردى قاتاڭ جازالامايدى؟ مىندەتتى تۇردە بىرەۋ العان تاياقتان قايتىس بولۋى كەرەك پە؟»- دەپ اشىندى جىگىت.

kyn.kz پاراقشاسى اتالمىش ۆيدەونى بولىكتى: 
 

 

بۇل ماقالا تۋرالى نە ويلايسىز؟