ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

قاتارىنان 34 ايىپ ارقالاعان ترامپقا قاتىستى سوت وتىرىسى اياقتالدى

29 مامىر 2024 195

اقش-تىڭ بۇرىنعى پرەزيدەنتى دونالد ترامپتىڭ كۇللى الەمنىڭ نازارىن وزىنە اۋدارعان قىلمىستىق سوتىنىڭ تىڭداۋى اياقتالدى، Alash.KZ ۇلتتىق پورتالى ۆۆس ارناسىنا سىلتەپ. 

سوت ءبىر جارىم ايعا جۋىق ۋاقىتقا سوزىلدى.

ءىستىڭ بۇكىل جاي-جاپسارىن انىقتاۋ ءۇشىن سوتقا نەگىزگى كۋاگەرلەر شاقىرىلدى، ولاردان پروكۋرورلار دا، ەكس-پرەزيدەنتتىڭ ادۆوكاتتارى دا جاۋاپ الدى. 

ترامپتىڭ ادۆوكاتى تودد بلانش جالپى العاندا ءۇش ساعاتقا جۋىق، ال مانحەتتەن اۋداندىق پروكۋراتۋراسىنىڭ وكىلى دجوشۋا ستەينگلاسس بەس ساعاتتان استام ۋاقىت سويلەدى.

ولاردىڭ مىندەتى - پروكۋرورلار ترامپتىڭ سايلاۋعا دەيىن بيزنەس جازبالارىن بۇرمالاۋداعى كىناسىن دالەلدەي الدى ما دەگەن باستى سۇراققا جاۋاپ بەرۋ.

ايىپتى نەمەسە ايىپتى ەمەس دەپ تانۋ ءۇشىن بۇكىل القابيلەردىڭ ءبىراۋىزدان شەشىمى قاجەت.

ترامپ تاعىلعان 34 ايىپتىڭ ەشقايسىسى بويىنشا كىناسىن مويىندامادى، سونىمەن قاتار دەنيەلسپەن جىنىستىق قاتىناسقا تۇسپەگەنىن ايتتى. بلانش ترامپتىڭ كىناسىز ەكەنىن، ال پروكۋرورلار ەشتەڭە دالەلدەي المايتىنىن ايتتى.

پروكۋرور دجوشۋا ستەينگلاسس ەكس-پرەزيدەنتتىڭ ادۆوكاتتارىنا بۇل ءىس بويىنشا مايكل كوەننىڭ بەرگەن ايعاقتارىنان بولەك ترامپتىڭ كىناسىن راستايتىن «كوپتەگەن دالەلدەر» بار دەپ قارسىلىق ءبىلدىردى.

ستەينگلاسس سونىمەن قاتار ستورمي دەنيەلس وتىرىك ايتادى دەگەن قورعاۋشى تاراپتىڭ مالىمدەمەسىن جوققا شىعاردى.

ونىڭ ايتۋىنشا، بۇرىنعى پرەزيدەنتتىڭ ادۆوكاتتارى پورنو اكتريسانى «وزگەرتىپ» قويعان.

ايتا كەتەيىك، اقش-تىڭ بۇرىنعى پرەزيدەنتى دونالد ترامپ نيۋ-يوركتە 2016 جىلعى سايلاۋ الدىندا پورنواكتريسا ستورمي دەنيەلسكە قاتىستى تولەماقىنى سايلاۋشىلاردان جاسىرۋ ءۇشىن قارجى ەسەبىن بۇرمالادى دەپ ايىپتالعان بولاتىن. 

بۇل ماقالا تۋرالى نە ويلايسىز؟