ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تەمىرجول قىزمەتكەرلەرى: 159،4 ملن تەڭگە جىمقىردى، 7-8 جىل تۇرمەدە وتىرادى

31 مامىر 2024 559

استانا قالاسىنىڭ قىلمىستىق ىستەر جونىندەگى اۋدانارالىق سوتى «اسكەريلەندىرىلگەن تەمىرجول كۇزەتى» ج ش س باس ديرەكتورى ب.ناحانوۆقا، ونىڭ ورىنباسارى ا.مۇقاتايەۆاعا جانە مەنەدجەر ر.سيديكوۆقا قاتىستى ۇكىم شىعاردى، دەپ حابارلايدى Alash.kz.

ولار بەينەباقىلاۋ جابدىقتارىن ساتىپ الۋعا بولىنگەن 159،4 ملن تەڭگە اقشانى جىمقىرعانى ءۇشىن كىنالى دەپ تانىلدى.

سونداي-اق ناحانوۆ اسكەريلەندىرىلگەن تەمىرجول كۇزەتىنىڭ جۇرگىزۋشىسى رەتىندە ادامدى جۇمىسقا ورنالاستىرۋ ارقىلى لاۋازىمدىق وكىلەتتىگىن اسىرا پايدالانعانى ءۇشىن سوتتالدى.

سوت ۇكىمىمەن ناحانوۆقا 8 جىل باس بوستاندىعىنان ايىرۋ جازاسى تاعايىندالدى.

سول ۇكىممەن مۇقاتايەۆا مەن سيديكوۆ 7 جىلعا باس بوستاندىعىنان ايىرىلدى.

اتالعان ادامدار مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى.

ۇكىم زاڭدى كۇشىنە ەنگەن جوق.

بۇل ماقالا تۋرالى نە ويلايسىز؟