ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تۇركىستاندا 500 وقۋشى ءبىر مەزەتتە كۇي شەرتىپ، حالىقارالىق مەرەكەنى ەرەكشە قارسى الدى

01 ماۋسىم 2024 392
تۇركىستاندا حالىقارالىق بالالاردى قورعاۋ كۇنى اتالىپ ءوتتى. مەرەكە اياسىندا 500 وقۋشىدان قۇرالعان دومبىراشىلار ءبىر مەزەتتە كۇي تارتتى، دەپ حابارلايدى Alash.KZ ۇلتتىق پورتالى. 
"كەرۋەن ساراي" تۋريستىك كەشەنىندە وتكەن جيىندا تاقىرىپتىق كورمە جاساقتالعان. 500 وقۋشىدان قۇرالعان دومبىراشىلار ءبىر مەزەتتە كۇي تارتتى. بالالاردىڭ قولدانبالى ونەر باعىتىنداعى شىعارماشىلىق جۇمىستارىنىڭ جارمەڭكەسى ءوتتى.

تۇركىستان وبلىسى اكىمىنىڭ باسپا ءسوز قىزمەتىنىڭ حابارلاۋىنشا، سونىمەن قاتار قارجىلاي سىياقى سەرتيفيكاتى تاپسىرىلدى.

سونىمەن قاتار، بالالار ءۇشىن اكۆاگريم ۇيىمداستىرىلدى. اۋدان، قالالاردان كەلگەن ۇزدىك سۋرەتشى بالالاردىڭ "تۇركىستان بالالار كوزىمەن" كوركەمسۋرەت گالەرەياسى ۇسىنىلدى. مەرەكەلىك ءىس-شارا كونسەرتتىك باعدارالاماعا ۇلاستى. ءشامشى قالداياقوۆ اتىنداعى وبلىستىق فيلارمونيا ونەرپازدارىمەن بىرگە "اقجايىق" مۋزىكا مەكتەبىنىڭ تالانتتارى ونەر كورسەتتى. سونىمەن قاتار جالپى وبلىستىڭ دارىندى بالالارى دا كەشكە اتسالىستى.

ايتا كەتەيىك، وبلىس حالقىنىڭ 38%-ى بالالار، ولاردىڭ 155-مىڭنان استامى باقشادا، 520 مىڭى مەكتەپتە ءبىلىم الۋدا. ەلىمىزدەگى ءاربىر 7ء-شى وقۋشى تۇركىستان وبلىسىندا. بۇل رەسپۋبليكاداعى ەڭ ۇلكەن كورسەتكىش. وڭىردە بالالاردىڭ جان-جاقتى دامۋىنا جاعداي جاسالۋدا. بالاباقشا، مەكتەپ، "وقۋشىلار سارايى"، ءتۇرلى ونەر جانە سپورت ۇيىرمەلەرى جۇمىس ىستەپ تۇر. 

بۇل ماقالا تۋرالى نە ويلايسىز؟