ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

"كورەيانىڭ جۇيەسى تىزىمىنە ەنگىزىلەدى". قازاقستاندىقتار كورەيادا جۇمىس ىستەي الا ما؟

26 قاڭتار 2024 51


بۇدان بىلاي قازاقستان ازاماتتارى زاڭدى تۇردە وڭتۇستىك كورەياعا بارىپ، ءۇش جىل جۇمىس ىستەي الادى. بۇل تۋرالى قازاقستاننىڭ ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنىڭ ءتوراعاسى اسقاربەك ەرتايەۆ ايتتى.



اسقاربەك ەرتايەۆتىڭ ايتۋىنشا، قازاقستان ازاماتتارىنىڭ وڭتۇستىك كورەيادا جۇمىس ىستەۋگە رۇقسات بەرۋ جۇيەسى ەنگىزۋ بويىنشا ءتيىستى شارالار قابىلدانىپ جاتىر. وسى ايدان باستاپ قازاقستاندىقتاردى اتالعان ەلگە جىبەرۋگە ارنالعان ساپار ورتالىعىن اشۋ جۇمىستارى باستالعان. ورتالىقتىڭ نەگىزگى مىندەتى – وڭتۇستىك كورەيادا جۇمىسقا ورنالاسقىسى كەلەتىن ۇمىتكەرلەرگە تىلدىك كۋرستاردى وقىتۋ، كورەي ءتىلىنىڭ تەستىلەۋى، بىلىكتىلىگىن ارتتىرۋ. وسى ساپار ورتالىعى ارقىلى قازاقستان ازاماتتارى ءۇش جىلعا دەيىن جۇمىس ىستەي الادى.





تەستىلەۋ ورتالىعى الماتىدا ءال-فارابي اتىنداعى قازاق ۇلتتىق ۋنيۆەرسيتەتىنىڭ بازاسىندا اشىلادى. اتالعان مەكەمەنىڭ قاجەتتى ماتەريالدىق-تەحنيكالىق بازاسى، وقۋ اۋديتورياسى بار. زامانعا ساي قۇرالدارمەن جابدىقتالعان. تەستىلەۋ ورتالىعىنىڭ 500-گە تارتا كومپيۋتەر ورىنى بار. قازاقستان ازاماتتارىن قونايەۆ كوپبەيىندى كوللەدجىندە وقىتۋ كوزدەلىپ وتىر. ياعني، وڭتۇستىك كورەياعا بارماس بۇرىن ولار وقىتىلادى، – دەيدى اسقاربەك ەرتايەۆ.

قونايەۆتاعى كوللەدجدە ءبىلىم الۋشىلار تۇراتىن 500 ورىندىق جاتاقحانا دا قاراستىرىلعان. تالاپتىڭ ءبىرى – مەديسينا تەكسەرۋىنەن ءوتۋ. ول مەملەكەتتىك مەكەمەدە – قونايەۆ قالاسىنداعى اۋرۋحانادا جۇرگىزىلەدى. شتات جابدىقتالعان.

ءبىز وڭتۇستىك كورەياعا ءوز ۇسىنىستارىمىزدى جولدادىق. كەلەسى اپتادا ولارمەن تەحنيكالىق كەلىسسوز جۇرگىزەمىز. جالپى الگوريتم قانداي: ءبىزدىڭ ۇسىنىستاردى ول ەلدەگى بارلىق مۇددەلى مەملەكەتتىك ورگاندار قاراپ، تالدايدى. قازاقستان وسىدان كەيىن ەڭبەك ادامدارىن ەكسپورتتايتىن، كورەيانىڭ جۇيەسى تىزىمىنە ەنگىزىلەدى. ءقازىر ول جۇيەدە 16 ەل بار. باسقا دا مەملەكەتتەر ءوتىنىم بەرىپ جاتىر. ءبىر جىل ىشىندە ماسەلە شەشىلۋى كەرەك. مەرزىمىن البەتتە، وڭتۇستىك كورەيا بەلگىلەيدى. بۇل باعىتتا جۇمىس جۇرگىزىلىپ جاتىر، – دەيدى ول.

بۇل ماقالا تۋرالى نە ويلايسىز؟