الماتىنىڭ قاي اۋماعى سەيسميكالىق ءقاۋىپتى ەكەنىن كورسەتەتىن تەكتونيكالىق بۇزىلىستار تۋرالى كارتا پايدا بولدى.
المالى جانە اۋەزوۆ اۋداندارى توعىز بالدىق سەيسميكالىق ايماققا كىرەدى. قالانىڭ قالعان التى اۋدانى 9-10 باللدىق ايماقتارعا جاتادى. مۇنى سەيسمولوگيا ينستيتۋتى مالىمدەدى.
الماتى ماڭىندا 27 تەكتونيكالىق ءقاۋىپتى ايماق بار. رايىمبەك داڭعىلىنىڭ سولتۇستىك جاعى، دوستىق داڭعىلىنىڭ شىعىس جاعى، كوكتوبەنىڭ ەتەگى جەر سىلكىنىسىنە ەڭ ءقاۋىپتى ايماقتارعا جاتادى. ءبىراق بۇل اۋماق باياعىدا ۇزاق ۋاقىت بويى سالىنعان. سونداي-اق كازاچكا، مالايا الماتينكا، ۆەسنوۆكا جانە ۇلكەن الماتى وزەندەرىنىڭ ارنالارىندا ءقاۋىپ كوپ.
سەيسميكالىق كارتادا تولە بي، قاراساي باتىر، بۇقار جىراۋ، شىعىس اينالما كوشەلەرىنىڭ بويىندا، ءىشىنارا رىسقۇلوۆ، ءال-فارابي كوشەلەرىنىڭ بويىندا ەنى 300-دەن 580 مەترگە دەيىنگى تەكتونيكالىق جارىق بار ەكەنى كورسەتىلگەن. نىسانداردى سالۋ كەزىندە بارلىق نورمالار ساقتالسا، بۇزىلۋ ىقتيمالدىعى تومەن، دەيدى ماماندار.
ەسكە سالا كەتەيىك، بۇعان دەيىن 26 قاڭتاردا الماتى ۋاقىتى بويىنشا ساعات 02:01:28-دە توتەنشە جاعدايلار مينيسترلىگىنىڭ "ننسسن" جانە "ي" ج ش س سەيسميكالىق ستانسيالار جەلىسى جەر سىلكىنىسىن تىركەدى. جەر سىلكىنىسىنىڭ وشاعى قىتايداعى الماتى قالاسىنان وڭتۇستىك-شىعىسقا قاراي 262 شاقىرىم جەردە. ماگنيتۋداسى MPV – 5،7. الماتى قالاسى، تالعار قالاسىندا 2 بالعا جەتكەن. 23 قاڭتاردا الماتىدا جەر سىلكىنىسى بولدى. استانا ۋاقىتىمەن 00 ساعات 09 مين 02 سەكۋندتا الماتىلىقتار قاتتى جەر سىلكىنىسىن سەزدى. توتەنشە جاعدايلار دەپارتامەنتىنىڭ مالىمەتىنشە جەر استى ءدۇمپۋىنىڭ ەپيسەنترى الماتىنىڭ وڭتۇستىك-شىعىسىندا، 264 شاقىرىم جەردە تىركەلدى. ماگنيتۋداسى 6،7 بالل. بۇدان سوڭ تۇرعىندار قالادا تاعى دا بىرنەشە جەر سىلكىنىسى سەزىلگەنىن حابارلادى. ال تجد دەرەگىنە سايكەس الداعى ۋاقىتتا قۋاتتى جەر سىلكىنىسى بولمايدى، سوندىقتان دۇرلىگۋدىڭ قاجەتى جوق.
