ءتوراعانىڭ ايتۋىنشا، قانداس مارتەبەسى بەرىلمەس بۇرىن جەرگىلىكتى اتقارۋشى ورگاننىڭ جانىنان كوميسسيا قۇرىلادى. ونىڭ قۇرامىنا جۇمىسپەن قامتۋدى ۇيلەستىرۋ، ءبىلىم بەرۋ، ىشكى ساياسات جانە ىشكى ىستەر ورگاندارى مەن ۇلتتىق قاۋىپسىزدىك كوميتەتى دەپارتامەنتىنىڭ وكىلدەرى، ءتۇرلى پروفەسسورلار مەن ساراپشىلار كىرەدى.
ادام ءوز ۇلتىن راستاي الماعان جاعدايدا وسى كوميسسيا ونىڭ ءوتىنىشىن قاراپ، قانداس مارتەبەسىن بەرۋ-بەرمەۋ ماسەلەسىن قاراستىرادى. ءبىز ازىرلەگەن ەرەجەدە مۇنىڭ ءبارى قاراستىرىلعان. وندا كوميسسياعا قانداي فۋنكسيالار بەرىلگەنى، سۇحباتتاسۋدى قالاي جۇرگىزۋ كەرەكتىگى، ءوز ۇلتىن راستاي المايتىن ادامعا ناقتى قانداي سۇراقتار قويۋ كەرەكتىگى جازىلعان.
سونداي-اق كوميسسيا مۇشەلەرىندە قانداي دا ءبىر كۇمان تۋدىراتىن جاعداي بولسا، گەنومدىق ساراپتاما جۇرگىزۋ قاراستىرىلعان. ءبىزدىڭ ەرەجەگە سايكەس، (قانداس مارتەبەسىن العىسى كەلەتىن، – اۆتور) ادامدى ساراپتاماعا جىبەرەمىز. وندا ونىڭ قازاق ەكەنى انىقتالادى»، - دەدى اسقاربەك ەرتايەۆ وكق-دا وتكەن باسپا ءسوز ءماسليحاتىندا.
بۇعان دەيىن كوميتەت ءتوراعاسى 20 اۋقاتتى ەتنيكالىق قازاققا «اتا جولى» كارتاسى بەرىلگەنىن ايتقان ەدى.
