ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

الماتىدا 100 جىل بۇرىنعى جويقىن جەر سىلكىنىسى قايتالانۋى مۇمكىن - سەيسمولوگ

29 قاڭتار 2024 42
قازاقستاندىق سەيسمولوگ ابدۋلازيز ابدۋللايەۆ دينارا ساتجانعا بەرگەن سۇحباتىندا الماتىدا جويقىن جەر سىلكىنىسى قايتالانۋى مۇمكىن ەكەنىن مالىمدەدى، - دەپ حابارلايدى Massaget.kz ءتىلشىسى.

"100 جىل بۇرىنعى جويقىن جەر سىلكىنىسى قايتالانۋى مۇمكىن، ءبىراق ونىڭ "قاشان؟" ەكەنى بەلگىسىز. جەر سىلكىنىسىنە اسەر ەتەتىن قۇرىلىمدار مەن فاكتورلار وسىلاي داميدى. ءقازىر مۇنى 100 جىلدىق سيكل دەپ اتاپ جاتىر، ءبىراق بۇل ءبىزدىڭ باقىلاۋىمىز عانا جانە ءبىز ونى سوڭعى 10 جىل ىشىندە عانا باقىلاپ وتىرمىز. بۇل ەڭ كونە وقيعانىڭ ءبىرى، ال ءبىزدىڭ باقىلاۋىمىز از ۋاقىتتى قامتيدى. ويتكەنى ءدال وسى كەزدە اسپاپتىق جانە سىلكىنىستى تىركەيتىن جوعارى سەزىمتال سەيسمولوگتاردىڭ مۇمكىندىگى پايدا بولدى"، - دەپ جاۋاپ بەردى سەيسمولوگ.

ايتا كەتەيىك، بۇعان دەيىن بيىل الماتىدا جويقىن جەر سىلكىنىسى بولا ما؟ سەيسمولوگ ماماندار بولجام جاساعان ەدى.

جالپى، سەيسميكالىق جاعدايعا باعا بەرۋ ءۇشىن سەيسمولوگيا ينستيتۋتى ءارتۇرلى مەرزىم بويىنشا بولجام جاساپ وتىرادى. ورتا مەرزىمدى جانە قىسقا مەرزىمدى بولجام ءتۇرى بولادى. ورتا مەرزىمدى ەسەپ جىلىنا ەكى رەت جاسالادى.

"جاقىندا عانا بىزدە الماتى پوليگونىنىڭ اۋماعىندا جەر سىلكىنىسىنىڭ ورتا مەرزىمدى بولجامى تۋرالى قورىتىندى ازىرلەندى، ول ۋاكىلەتتى ورگاندارعا بەرىلدى. قورىتىندىعا سايكەس، 2023 جىلى الماتىدا جەتى بالدان اساتىن جويقىن جەر سىلكىنىسى بولمايدى. عىلىمي-ىزدەستىرۋ تۇرعىسىنان 200-دەن اسا بولجامدى پارامەترلەردى تالداۋ نەگىزىندە جاسالاتىن اپتالىق قىسقا مەرزىمدى قورىتىندى ازىرلەنەدى. وسى قورىتىندىلار بويىنشا الداعى اپتادا دا ءبارى تىنىش بولادى"، - دەيدى نۇرسارسەن وزبەكوۆ.

تاعى دا وقي وتىرىڭىزدار: جەر سىلكىنىسىنىڭ بالى مەن ماگنيتۋداسىنىڭ ايىرماشىلىعى نەدە؟

جاڭالىقتاردى بارىنەن بۇرىن ءبىلىپ وتىرعىڭىز كەلسە، Telegram-ارنامىزعا جازىلىڭىز!
بۇل ماقالا تۋرالى نە ويلايسىز؟