اقتوعاي اۋدانى پروكۋراتۋراسىنىڭ نارازىلىعى بويىنشا اۋداننىڭ ەكونوميكا جانە قارجى ءبولىمىنىڭ جالپى سوماسى 328 ميلليون تەڭگەدەن اساتىن ءىس جۇزىندە جوق "اقجارىق-اپپاز" تاسجولىن اعىمداعى جوندەۋگە اشىق كونكۋرس وتپەي قالدى.
جولدىڭ بۇل ۋچاسكەسىندە جەرگىلىكتى جانە وبلىستىق دەڭگەيدەگى ۋاكىلەتتى ورگانداردىڭ بالانسىندا ەشقانداي جول جوق ەكەنى انىقتالدى.
"اۆتوموبيل جولدارى تۋرالى" زاڭنىڭ 1-بابىنا سايكەس اۆتوموبيل جولىن اعىمداعى جوندەۋ - اۆتوموبيل جولدارىنداعى توتەنشە جاعدايلاردىڭ، اقاۋلاردىڭ الدىن الۋ ماقساتىندا جۇرگىزىلەتىن جۇمىستار كەشەنى، سونداي-اق جىل بويى جۇرگىزىلەتىن اۆتوموبيل جولدارىن جەدەل قالپىنا كەلتىرۋ جانە جوندەۋ، ونىڭ ىشىندە مارشرۋتتىق ادىسپەن جۇزەگە اسىرىلاتىن قيراعان ۋچاسكەلەردى جوندەۋ شارالارى.
تيىسىنشە، اعىمداعى جوندەۋ جۇمىستارى قولدانىستاعى تاس جولدا جۇرگىزىلۋى كەرەك.
"قازاقستان رەسپۋبليكاسىنداعى ساۋلەت، قالا قۇرىلىسى جانە قۇرىلىس قىزمەتى تۋرالى" زاڭنىڭ 60-بابىنىڭ 1-تارماعىنا سايكەس وبەكتىلەر مەن ولاردىڭ كەشەندەرىنىڭ قۇرىلىسى جوبالىق (جوبالىق-سمەتالىق) قۇجاتتاما بويىنشا جۇزەگە اسىرىلادى.
وسى نورمانى بۇزا وتىرىپ، ەكونوميكا ءبولىمى قۇرىلىس جوباسى جوق جاڭا تاس جول سالۋعا ارەكەتتەنگەن. سونىمەن قاتار، قۇرىلىس-مونتاج جۇمىستارى ولار بويىنشا مەملەكەتتىك ساتىپ الۋلار قازاقستان رەسپۋبليكاسى قارجى ءمينيسترىنىڭ 2022 جىلعى 18 قاڭتارداعى №46 بۇيرىعىمەن بەكىتىلگەن "رەيتينگتىك-باللدىق جۇيەنى پايدالانا وتىرىپ، كونكۋرس ارقىلى جۇزەگە اسىرىلاتىن تاۋارلاردىڭ، جۇمىستاردىڭ، قىزمەتتەردىڭ" تىزبەسىنە ەنگىزىلگەن.
وسىعان قاراماستان، قۇرىلىس-مونتاج جۇمىستارى تۋرالى حابارلاندىرۋ اشىق كونكۋرس ارقىلى ورنالاستىرىلعان. اقتوعاي اۋدانى پروكۋراتۋراسىنىڭ قاداعالاۋ اكتىسى بويىنشا بۇل كونكۋرس جويىلدى.
