سوت اباقتىداعى بەلگىلى قازاقستاندىق بلوگەر مۇرات ءابدىلدانىڭ باس بوستاندىعىنان ايىرۋ تۇرىندەگى جازانى ايىپپۇلعا اۋىستىرۋ تۋرالى ارىزىن قاناعاتتاندىرمادى، دەپ حابارلايدى alash.kz inbusiness.kz سايتىنا سىلتەپ.
مۇرات ءابدىلدا ءوز كەزەگىندە وكىنەتىنىن ايتىپ، تۇزەلۋگە ۋادە ەتتى.
"مەن سىزدەن جازا شارتتارىن اۋىستىرۋىڭىزدى سۇرايمىن. ءبارىن ءتۇسىندىم، بارىنەن كەشىرىم سۇرايمىن! بۇل ەندى قايتالانبايدى. وزىممەن جۇمىس ىستەپ، لايىقتى ءومىر سالتىن ۇستانامىن! جازا شارتتارىن ايىپپۇلعا اۋىستىرىڭىزدى سۇرايمىن، تۇگەل تولەۋگە دايىنمىن"، – دەدى مۇرات ءابدىلدا.
دەگەنمەن پروكۋرور سوتتان سوتتالۋشىنىڭ ءوتىنىشىن قاناعاتتاندىرماۋىن سۇرادى. كەڭەسۋدەن سوڭ سۋديا تالعات قاحاروۆ ءوز شەشىمىن شىعاردى.
"سوت ارىزدى قاناعاتتاندىرۋدان باس تارتادى. سوتتالۋشى بىرنەشە رەت ءىستى بولدى، وعان تۇزەتۋگە مۇمكىندىك بەرىلدى. قويىلعان تالاپتان باس تارتىلادى"، – دەپ شەشتى سوت.
