ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ماڭعىستاۋ شەندىلەرىنىڭ تابەتى تاۋداي ەكەن

17 مامىر 2024 288

ماڭعىستاۋدا پروكۋراتۋرا 1،4 ملرد تەڭگەنى زاڭسىز جۇمساماق بولعان شەندىلەردىڭ جولىن كەستى. وسىلايشا ءىرى كولەمدەگى بيۋدجەت قاراجاتىن نەگىزسىز جۇمساۋدىڭ الدىن الدى، دەپ حابارلايدى alash.kz كتك ارناسىنا سىلتەمە جاساپ.

اقتاۋدى سۋمەن، جىلۋمەن قامتاماسىز ەتەتىن مونوپوليست “ماەك” كومپانياسىنىڭ مەملەكەتتىك ساتىپ الۋ كونكۋرسىندا ورەسكەل تالاپتاردى بۇزعانى انىقتالدى. كومبينات باسشىلىعى وندىرىسكە پايداعا اسپايتىن قۇرىلعىنى العىسى كەلگەن.

وسى ماقساتتا كاسىپكەرلىك نىسانمەن ءبىر كوزدەن الۋ تاسىلىمەن نەگىزسىز شارت جاساسقان. سوت شەشىمىمەن كەلىسىم جارامسىز دەپ تانىلدى. كىنالى تۇلعالار تارتىپتىك جاۋاپقا تارتىلىپ، ءبىرقاتار باسشى قىزمەتىنەن بوساتىلعان دەپ جازدى "دالانيەۆس".

“قوسىمشا الۋعا قۇرال-جابدىقتار جوسپارلاعان. ءبىراق پروسەدۋرالارىن زاڭسىز جاساعان. سوندىقتان پروكۋرورلىق قاداعالاۋ اكتىسىن ەنگىزدىك. ءقازىر كەلىسىمشارتتار جارامسىز دەپ تانىلدى.

“ماەكتىڭ” ورىنباسارى ورنىنان بوساتىلدى جانە ەكى باسشىلىق قىزمەتتەگى لاۋازىمدى تۇلعا تارتىپتىك جاۋاپقا تارتىلدى”، - دەدى ماڭعىستاۋ وبلىسى پروكۋراتۋراسى باسقارما باستىعى مەرگەن مەڭدىعالييەۆ.

بۇل ماقالا تۋرالى نە ويلايسىز؟