ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اتىراۋداعى سۋ تاسقىنى قارقىندى. سارايشىقتى سۋ شايىپ كەتۋى مۇمكىن

15 مامىر 2024 876

اتىراۋ وبلىسىنداعى قازاق تاريحى ءۇشىن اسا ماڭىزدى مەكەن، اشىق اسپان استىنداعى سارايشىق قالاشىعىنا تاسقىن سۋدان ءقاۋىپ ءتوندى،دەپ حابارلايدى Alash.KZ ۇلتتىق پورتالى "استانا" تەلەارناسىنا سىلتەمە كورسەتە وتىرىپ.

قازبا ورنى قاسىندا ورنالاسقان بوگەتتەن سۋ كەتكەنى حابارلاندى. ماماندار تاسقىن سۋدى دەر شاعىندا اۋىزدىقتاپ ۇلگەرگەن. دەسە دە، تاريحي ايماققا تونگەن ءقاۋىپ ءالى سەيىلگەن جوق. 

ورتا عاسىرلىق سارايشىقتى ساقتاۋ باعىتىندا 1 كم 500 مەترگە ۇلكەن بەتون قۇيىلعان بولاتىن. بەتوننىڭ بيىكتىگى 3 مەتر 60 سم، وعان قوسىمشا جاياۋ جولى سالىنعان بولاتىن. ول شامامەن 1 جارىم مەتردەي. سوندا 5 مەتردەي بيىكتىك بولاتىن. سارايشىق ەسكەرتكىشىنە دەيىن. مىنە وزدەرىڭىز كورىپ تۇرعانداي سۋ بۇگىن بەتوندى دا باستى، جاياۋ جۇرگىنشىلەردىڭ جولىن دا باستى، - دەدى قورىق ديرەكتورى ابىلسەيىت مۇحتار. 

رەسپۋبليكالىق قورعاۋعا الىنعان «حان وردالى - سارايشىق» مۋزەي-قورىعىنىڭ جالپى اۋماعى- 99 گەكتار. ونىڭ 1 شاقىرىمداي جەرى جايىق وزەنىنە ءتيىپ تۇر. قايتا جاڭارتۋ كەزىندە قورعاندار سالۋ جوسپارلانعان. ودان بۇرىن جاعالاۋدى بەكىتۋ كەرەك بولادى،- دەيدى عالىم. ءقازىر ورتا عاسىرلىق ەسكەرتكىش ورنالاسقان 3 مىڭعا تارتا تۇرعىنى بار سارايشىق اۋىلىن دا سۋ قورشاپ تۇر.

تەلەارنانىڭ حابارلاۋىنشا، ماحامبەت اۋدانىندا وزەن دەڭگەيى ءقازىر 981 سم كورسەتتى. سونىمەن قاتاپ، شەكتىك دەڭگەيدەن 130 سم ارتىق ەكەنى مالىمدەلدى. 

بۇل ماقالا تۋرالى نە ويلايسىز؟