ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ءىىم قازاقستاندا ۋاقىتشا تۇرۋعا رۇقسات سۇراعان رەسەي ازاماتتارى كوبەيگەنىن ايتتى

13 ءساۋىر 2022 88
[ad_1]



ىشكى ىستەر مينيسترلىگىنىڭ مالىمەتى بويىنشا، 2022 جىلدىڭ العاشقى ءتورت ايىندا قازاقستاندا ۋاقىتشا تۇرۋعا ءوتىنىش تۇسىرگەندەر كوبەيگەن. بۇل جونىندە 13 ساۋىردە ىشكى ىستەر ۆيسە-مينيسترى مارات قوجايەۆ حابارلادى.

"ۋاقىتشا تۇرۋعا ءوتىنىش بىلدىرگەندەردىڭ سانى ءوسىپ كەلە جاتىر. بىلتىر ءبىر توقساندا 350-400 ادام ءوتىنىش بىلدىرسە، ءقازىر مىڭنان اسىپ كەتتى. رەسەيدەن كەلگەن 1055 ادام قازاقستاندا ۋاقىتشا تۇرۋعا رۇقسات سۇراپ جاتىر" دەدى قوجايەۆ ءماجىلىس وتىرىسى كەزىندە.

ءبىراق ول ۋكرايناداعى سوعىسقا بايلانىستى رەسەي مەن ۋكراينادان قازاقستانعا كوپ ادام كوشىپ كەلە جاتىر دەگەن اقپاراتتى راستامادى.

– 24 اقپان مەن 11 ءساۋىر ارالىعىندا 130 مىڭ رەسەي ازاماتى ەلىمىزگە كىرگەن، 120 مىڭنان استامى شىعىپ كەتكەن. 2021 جىلمەن سالىستىرعاندا بۇل سان ەكى ەسە كوپ. ءبىراق 2020، 2021 جىلدارى بىزدە پاندەمياعا بايلانىستى شەكارا جابىلعان بولاتىن. ال ونىڭ الدىنداعى جىلدارمەن سالىستىرساق، بۇل كورسەتكىش ءۇش ەسەگە از. سەبەبى ول جىلدارى بىزدە ءبىر توقساندا 350-360 مىڭ ادام كىرىپ-شىعىپ تۇرعان. ءقازىر ۋكراينانىڭ 3481 ازاماتى ەلىمىزدە ءجۇر. رەسەيدىڭ 170 ازاماتى، ۋكراينانىڭ 7 ازاماتى قازاقستان ازاماتتىعىن الۋعا ءوتىنىش ءبىلدىردى، – دەدى قوجايەۆ.

"قازاقستانعا كەلگەندەر اراسىندا ساياسي باسپانا سۇراعاندارى بار ما؟" دەگەن سۇراققا قوجايەۆ "جوق" دەپ جاۋاپ بەردى.

بۇعان دەيىن جەرگىلىكتى اقپارات قۇرالدارى ۋكرايناداعى سوعىس پەن سونىڭ سالدارىنان تۋىنداعان رەسەيگە قارسى سانكسيالاردان كەيىن رەسەيلىكتەردىڭ كورشى ەلدەرگە، ونىڭ ىشىندە قازاقستانعا دا كوشىپ جاتقانى تۋرالى اقپارات تاراتقان. كەيبىر مالىمەتكە قاراعاندا، سونىڭ سالدارىنان ەلدەگى ەڭ ءىرى قالالار الماتى مەن نۇر-سۇلتاندا پاتەر جالداۋ قۇنى قىمباتتاعان.



[ad_2]

دەرەككوز
بۇل ماقالا تۋرالى نە ويلايسىز؟