ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۋكراينادا ءپۋتيننىڭ وكىل اكەسى ۇستالدى

13 ءساۋىر 2022 98
 



ۋكراينانىڭ قاۋىپسىزدىك قىزمەتى ەلدەگى ەڭ ءىرى پارتيالاردىڭ ءبىرى «وپپوزيسيالىق پلاتفورما – ءومىر بويى» پارتياسىنىڭ باسشىسى ۆيكتور مەدۆەدچۋكتى ۇستادى.

بۇل تۋرالى ۋكراينا پرەزيدەنتى ۆلاديمير زەلەنسكيي Telegram-دا حابارلادى.
«ارنايى سبۋ وپەراسياسىنىڭ ارقاسىندا جۇزەگە اسىرىلدى! جارايسىڭ! تولىعىراق كەيىنىرەك» دەپ جازدى ول.

رەسەي پرەزيدەنتىنىڭ باسپا ءسوز حاتشىسى دميتريي پەسكوۆ مەدۆەدچۋك مىرزانىڭ ۇستالعانى تۋرالى اقپاراتقا تۇسىنىكتەمە بەرۋ ءالى ەرتە ەكەنىن العا تارتتى.
«ءقازىر ۋكراينادان كوپتەگەن جالعان دەرەكتەر كەلىپ جاتىر، ۋكراينادا حالىقارالىق PR اگەنتتىكتەرىنىڭ ءارتۇرلى كومەكشىلەرىنىڭ كومەگىمەن كوپتەگەن جالعان نە كاسىبي ەمەس اقپارات قولدان جاسالىپ جاتىر. مۇنى بىردەن شىندىق دەپ قابىلداۋ دۇرىس ەمەس» دەپ جاۋاپ بەردى پەسكوۆ kommersant.ru.باسىلىمىنا.

كەيىن ۆلاديمير زەلەنسكيي ۆيكتور مەدۆەدچۋكتى ۋكرايندىق تۇتقىندارمەن الماستىرۋدى ۇسىندى.
«مەن رەسەي فەدەراسياسىنا بۇل جىگىتتى رەسەي ۇستاپ وتىرعان ۋكراين تۇتقىنىندارىمەن ايىرباستاۋدى ۇسىنامىن. ءبىزدىڭ قۇقىق قورعاۋ ورگاندارى مەن اسكەريلەردىڭ دە بۇل مۇمكىندىكتى قاراستىرعانى ماڭىزدى» دەدى ۋكراينا پرەزيدەنتى.

رەسەي پرەزيدەنتى ۆلاديمير ءپۋتيننىڭ وكىل اكەسى ۆيكتور مەدۆەدچۋكتى لۆوۆ قالاسىنىڭ لىچاكوۆسكيي اۋداندىق سوتى مەملەكەتكە وپاسىزدىق جاسادى دەگەن ايىپپەن سىرتتاي قاماۋعا الدى. ول 10 ناۋرىزعا دەيىن ءۇيقاماقتا بولۋى كەرەك ەدى. اقپان ايىندا ايىپتالۋشى ءۇيقاماقتان قاشىپ كەتكەن.

ۋكراينانىڭ باس پروكۋراتۋراسى ۆيكتور مەدۆەدچۋكتىڭ ماسكەۋمەن بايلانىسى «2014-2015 جىلدارداعى مەملەكەتتىڭ ەكونوميكالىق قاۋىپسىزدىگىنە نۇقسان كەلتىرىپ، ۋكراينانى ەنەرگيا كوزدەرىن ءارتاراپتاندىرۋ مۇمكىندىگىنەن ايىردى» دەپ مالىمدەدى.





دەرەككوز
بۇل ماقالا تۋرالى نە ويلايسىز؟