اتىراۋ وبلىسى، ماقات اۋدانىنىڭ اكىمى رينات يبراگيموۆتىڭ ۇستىنەن بۇرىنعى ايەلى شاعىمدانىپ، 11 جىل بويى ۇرىپ-cوققانىن، ءزابىر كورسەتكەنىن حابارلاعان ەدى. مۇنداي ايىپتاۋلارعا بايلانىستى ءارى الەۋمەتتىك جەلىدە كوتەرىلگەن جانجالدان كەيىن اكىم قىزمەتتەن كەتتى، دەپ حابارلايدى Alash.KZ ۇلتتىق پورتالى.
رينات يبراگيموۆ ءوزىنىڭ قىزمەتتەن كەتكەنىن ب ا ق وكىلدەرىنە دە مالىمدەدى. 2024 جىلى 5 ماۋسىمدا وبلىس اكىمدىگى دە بۇل دەرەكتى راستادى.
"ءيا، ءوز ەركىمەن قىزمەتىنەن كەتتى"، دەپ مالىمدەدى اتىراۋ وبلىسى اكىمدىگىنىڭ باسپا ءسوز قىزمەتى.
ەستەرىڭىزگە سالا كەتەيىك، 2024 جىلعى 17 مامىردا قازاقستاندا تاعى ءبىر وتباسىعا جانجال جايى ايتىلا باستادى. ەل نازارىنا ايەلىن ازاپتاعان ازامات رەتىندە اتىراۋ وبلىسى ماقات اۋدانىنىڭ اكىمى رينات يبراگيموۆ ءىلىندى. ونىڭ بۇرىنعى ايەلى اقمارال ۇمبەتقالييەۆا شاعىم ايتىپ، شەنەۋنىكتىڭ ءوزىن 11 جىل بويى ۇرىپ-سوعىپ، ازاپتاپ كەلگەنىن مالىمدەگەن ەدى.
