ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

1 ملن 300 مىڭ تەڭگە: پاۆلوداردا الاياق دۇكەن يەسىن دە، ساتىپ الۋشىنى دا الداپ كەتكەن

02 ماۋسىم 2024 186

پاۆلودار تۇرعىنى ءموبيلدى قوسىمشاداعى ينتەرنەت دۇكەن ارقىلى قايىق موتورىن ساتىپ الۋ ءۇشىن تولەم جۇرگىزىپ، الدانىپ قالعان، دەپ جازادى Alash.kz سايتى inbusiness.kzكە سىلتەپ.

وقيعا وتكەن جىلدىڭ قازان ايىندا بولعان. جەرگىلىكتى تۇرعىن ءموبيلدى قوسىمشا ارقىلى جەكە كاسىپكەر م.-دان قايىق موتورىن ساتىپ الماقشى بولعان. ول ءۇشىن بانكتەن ءارقايسىسى 650 000 تەڭگەدەن، جالپى سوماسى 1 300 000 تەڭگە ەكى نەسيە رەسىمدەگەنى انىقتالدى. تولەمدى QR كود-تى پايدالانۋ ارقىلى جۇرگىزىپ، ساتۋشىنىڭ بانكتىك شوتىنا 1 300 000 تەڭگە جىبەرگەن.

"الايدا اتالعان تاۋار تۇتىنۋشىعا جەتپەگەن. بۇدان سوڭ ازامات م. جەكە كاسىپكەرلىگىنە قاتىستى سوتقا ارىز ءتۇسىردى. سوت العاشقى ساتىدان-اق ونى قولداپ، 1،3 ملن تەڭگەنى ءوندىرىپ الۋ تۋرالى شەشىم شىعاردى. ءبىراق كاسىپكەر بۇل شەشىممەن كەلىسپەيتىنىن ءبىلدىرىپ، سوتقا تالاپ ارىز ءتۇسىردى. ونىڭ ايتۋىنشا، ينتەرنەت دۇكەنىن وزگە تۇلعاعا جالعا بەرگەن، ال ول ءوز كەزەگىندە الاياقتىقپەن اينالىسىپ تالاپ قويۋشىعا جوق تاۋاردى ساتقان. ينتەرنەت-دۇكەندى باسقا تۇلعاعا جالعا بەرۋ، ونىڭ ىشىندە بانكتىك شوتتى پايدالانۋ مۇمكىندىگى جانە وسى تۇلعا جاساعان زاڭسىز ارەكەتتەر تۋرالى شاعىمنىڭ دالەلدەرى تيىسىنشە جاسالعان ساتىپ الۋ-ساتۋ مامىلەسى بويىنشا جاۋاپكەردى تالاپ قويۋشىنىڭ الدىنداعى مىندەتتەمەلەردى ورىنداۋدان بوساتۋ ءۇشىن نەگىز بولا المايدى. القانىڭ قاۋلىسىمەن ءبىرىنشى ساتىداعى سوتتىڭ شەشىمى وزگەرىسسىز، جاۋاپكەردىڭ اپەللياسيالىق شاعىمى قاناعاتتاندىرۋسىز قالدىرىلدى"، – دەپ حابارلادى پاۆلودار وبلىستىق سوتىنىڭ باسپا ءسوز قىزمەتىنەن. 

ازاماتتىق كودەكستىڭ 440-بابىنا سايكەس، الدىن الا تولەنەتiن اقى سوماسىن العان ساتۋشى ءوزiنiڭ تاۋار بەرۋ ءجونiندەگi مiندەتiن بەلگiلەنگەن مەرزiمدە (اك 409-بابى) ورىنداماعان جاعدايلاردا ساتىپ الۋشى ودان اقى تولەنگەن تاۋاردى بەرۋدi نەمەسە ساتۋشى بەرمەگەن تاۋار ءۇشiن الدىن الا تولەنگەن اقى سوماسىن قايتارۋدى تالاپ ەتۋگە قۇقىلى. 

قاۋلى زاڭدى كۇشىنە ەندى.

بۇل ماقالا تۋرالى نە ويلايسىز؟