ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اس ۇيدەگى ايقاس. باتىس قازاقستاندا ايەل ءوز كۇيەۋىن پىشاقتاپ تاستادى

29 مامىر 2024 413

باتىس قازاقستان وبلىسىندا كۇيەۋىنىڭ بۇيىنە ايەلى پىشاق سالدى. ول جانجال كەزىندە جارىنا سۋىق قارۋ سۇعىپ العانى ءۇشىن سوتتالدى، دەپ حابارلايدى Alash.KZ ۇلتتىق پورتالى. 

سوتتا انىقتالعانداي، ايەل جولداسىمەن جانجالداسىپ،ونىڭ وڭ بۇيرەك تۇسىنا اس ءۇي پىشاعىمەن سوققى جاساعان. سالدارىنان ايەل ەر ادامنىڭ دەنساۋلىعىنا اۋىر زيان كەلتىرگەن.

"ءىس دەرەكتەرىنەن انىقتالعانداي، سوتتالۋشى كۇيەۋىمەن جانجالداسىپ، ونىڭ وڭ جاق بۇيرەگىنەن اسحانا پىشاعىمەن ۇرعان. ايەل ءوز كىناسىن مويىنداپ، ىستەگەن ىسىنە وكىندى"، - دەپ جازدى "موي گورود" تەلەگرام ارناسى.

ەرلى-زايىپتىلار قاتتى جانجالعا قاراماستان اجىراسپادى. ولار نەكەلەرىن ساقتاپ قالۋدى شەشتى.

ايەل بايتەرەك اۋداندىق سوتىنىڭ شەشىمىمەن ق ر قىلمىستىق كودەكسىنىڭ 1- بولىگىنىڭ 106-بابىندا كوزدەلگەن قىلمىستىق قۇقىقبۇزۋشىلىق جاساعانى ءۇشىن كىنالى دەپ تانىلدى.

سوتتالۋشى ءوز كىناسىن تولىق مويىندادى جانە جاساعان ىسىنە قاتتى وكىنەتىنىن ايتتى. جابىرلەنۋشى سوتتان جۇبايىن قاتاڭ جازالاماۋدى جانە وعان باس بوستاندىعىنان شەكتەمەيتىن جازا تاعايىنداۋدى سۇرادى.

سوت جاسالعان قىلمىس اۋىر ساناتقا جاتاتىن، كىنالىنىڭ جەكە باسى تۋرالى دەرەكتەردى، قىلمىستىق جاۋاپتىلىق پەن جازانى جەڭىلدەتەتىن جانە اۋىرلاتاتىن ءمان-جايلاردىڭ بولۋى جانە بولماۋىن، جابىرلەنۋشىنىڭ پىكىرىن ەسكەرە وتىرىپ، سوتتالۋشىنى تۇزەۋ جانە جاڭا قىلمىسقار بارماۋى ءۇشىن ءادىل، قاجەتتى جانە جەتكىلىكتى جازا تاعايىنداۋ قاعيداتتارىن باسشىلىققا الا وتىرىپ، ايەلگە 3 جىل باس بوستاندىعىنان شەكتەۋ تۇرىندە جازانى تاعايىندادى، – دەلىنگەن سوت حابارلاماسىندا.

سوت ايەلدى ءۇش جىلعا باس بوستاندىعىن شەكتەۋ جازاسىنا كەستى. ۇكىم زاڭدى كۇشىنە ەندى.

بۇل ماقالا تۋرالى نە ويلايسىز؟