ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۋكراينامەن سوعىسقا قاتىسقان قازاقستان ازاماتى رەسەيدە جەرلەندى

28 مامىر 2024 718

23 مامىردا رەسەيدىڭ جوعارى بۇعالىش اۋىلىندا ۋكراينادا قازا تاپقان 18 جاستاعى اسكەري قىزمەتكەر دانيل ەرمولەنكو جەرلەندى، دەپ حابارلايدى Alash.kz.

رەسەيلىك Mediazona باسىلىمىنىڭ مالىمەتىنشە، ەرمولەنكونىڭ قازاقستان ازاماتتىعى بولعان، بۇعان دەيىن ول اقمولا وبلىسى بۋراباي اۋىلىنداعى ەمحاناعا بەكىتىلگەن. سوعىسقا قاتىسقانعا دەيىن ول رەسەيدە تۇرعان. مارقۇمنىڭ تۋىستارى بۇعان دەيىن الەۋمەتتىك جەلىدە ونىڭ تۇرعان جەرى تۋرالى اقپارات سۇراعان ۆيدەو حابارلامالار جاريالاعان. ولار ءوز وتىنىشتەرىندە ءدانيلدىڭ دەسانتتىق وتريادتىڭ جاۋىنگەرى ەكەنىن جانە «قازاق» دەگەن شاقىرۋ بەلگىسىن كورسەتكەن.

جاريالانعان مالىمەتتەر بازاسىنان باسىلىمنىڭ العان اقپاراتى بويىنشا، ەرمولەنكو 6 ساۋىردە دونەسك وبلىسىنىڭ بەردىچي اۋىلىنا جاۋىنگەرلىك تاپسىرمامەن اتتانعان، سودان كەيىن ونىمەن بايلانىس ۇزىلگەن. مامىر ايىنىڭ باسىندا رەسەيلىك اسكەريلەر اۋىلدى باقىلاۋعا العانىن حابارلادى. سوڭعى ۋاقىتقا دەيىن رەسەي ۇكىمەتى مارقۇمنىڭ وتباسىنا ءدانيلدىڭ ءىز-تۇزسىز جوعالعاندار تىزىمىندە ەكەنىن حابارلاپ كەلگەن.

بۇل ماقالا تۋرالى نە ويلايسىز؟