دەپۋتات ابزال قۇسپان "ەسكى قازاقستاننىڭ ەسكىرمەيتىن جىرى" جايلى بايانداپ، بۇرىنعى شىعىس قازاقستان وبلىسىنىڭ اكىمى بولعان دانيال احمەتوۆتىڭ كۇماندى، قارجى يگەرۋدەگى ورىنسىز ارەكەتىن ايتىپ، سىنعا الدى. سونىمەن قاتار، قازاقستاندىقتار تاراپىنان دانيال احمەتوۆتىڭ اتىنا ۇدايى ارىز تۇسەتىنىن مالىمدەپ، ءتيىستى قۇجاتتاردى قۇقىق قورعاۋ ورگاندارىنا ءوز تالداۋىممەن قوسا جولدايتىن حابارلادى، دەپ جازدى Alash.KZ ۇلتتىق پورتالى.
ءبىر كەزدەرى جالعاندى جالپاعىنان باسىپ، ەلباسىنىڭ سەنىمدى ادامى اتانعانداردىڭ جىرى ءالى تالاي جىلعا ازىق بولاتىن ءتۇرى بار. سونىڭ ءبىرى، جوق بىرەگەيى – دانيال احمەتوۆكە قاتىستى ارىزدار لەگى توقتار ەمەس. سول كوپ شاعىم ىشىنەن بىرەۋىنە عانا توقتالايىن، دانيال احمەتوۆ اكىم بوپ تۇرعان كەزدە وسكەمەن جانە سەمەي قالاسى كوشەلەرىن جارىقتاندىرۋعا دەپ ەبرر (ەۆروپا قايتا قۇرۋ جانە دامۋ بانكى) ارقىلى 3، 6 ملرد، وعان قوسىمشا بيۋدجەت تاراپىنان 1، 2 ملرد، بارلىعى 4، 8 ملرد بولىنگەن ەكەن. بۇل جوبانى دا تاراپىنان جەكە لوببي جاسالعانىنا دالەل رەتىندە، ونىڭ اكىم بوپ تۇرعاندا ەبرر-دىڭ لوندونداعى وفيسىنە كەلىسسوز جۇرگىزۋگە ءوزى بارعانىن ايتادى شاعىم يەلەرى. ءبىراق ماسەلە وندا دا ەمەس، ماسەلە سول ميللياردتاعان قاراجاتقا قويدىرعان شامداردىڭ باسىم بولىگىنىڭ جانىپ كەتكەندىگىندە جانە كەپىل ۋاقىتى ىشىندە اۋىستىرىلماۋىندا. ناتيجەسىندە، وسكەمەن مەن سەمەيدە كوشە جارىعى جوق، الايدا ول جاعداي ەكى وبلىستىڭ بيۋدجەتىن ەبرر الدىنداعى قارىز مىندەتتەمەلەرىنەن بوساتپايدى،- دەدى دەپۋتات.
سونىمەن قاتار، ابزال قۇسپان ءوز قولىنات تۇسكەن قۇجاتتارمەن تانىستىردى. كۇماندى كەلىسىمگە قاتىسقان شقو اكىمدىگى اشقان «رەگيونالنىي سەنتر گچپ ۆكو» اق،جانە تايۆاندا تىركەلگەن «Everlight Electronics Co. LTD» كومپانيالارىن اتادى.
ۇرشىقتا اينالعان ءجىپتى شەتىنەن تارقاتاتىنى سياقتى، تەكسەرۋدى اكىمدىك جانىنان قۇرىلعان مەكەمەدەن باستاسا ءبىراز دۇنيەنىڭ باسى اشىلارى انىق. وسىعان بايلانىستى، شىعىس قازاقستاندىق اعايىنداردان تۇسكەن ارىز بەن ءوزىم تاراپىنان قوسىمشا سۇراتىپ الىنعان قۇجاتتاردى، ءتيىستى قۇقىق قورعاۋ ورگاندارىنا ءوز تالداۋىممەن قوسا جولدايتىن بولامىن، - دەدى دەپۋتات.
ورايى كەلگەندە ايتا كەتەيىك، دانيال احمەتوۆ شىعىس قازاقستان وبلىسىن 9 جىلعا جۋىق باسقاردى. ەلىمىزدەگى بىرنەشە وبلىسقا 4 رەت اكىم بولدى.
