ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«تەك قۇراندى عانا وقي بەرمەي عىلىمعا دا ۋاقىت ءبول». كاسىپكەر الماتىداعى جەر سىلكىنىسىن «تاڭىرشىلەردەن كورگەن» بەكبولات تىلەۋحانعا شۇيلىكتى

05 ماۋسىم 2024 573
كاسىپكەر، "بيزنەس باستاۋ" شەبەرلىك سىنىبىنىڭ ترەنەرى احمەتبەك نۇرسيلا بۇرىنعى دەپۋتات بەكبولات تىلەۋحاننىڭ "باقسىلار قۇرىلتايىنان كەيىن ەلدى توپان سۋ باستى، قۇرانعا ءتىل تيگىزگەنى ءۇشىن الماتىدا جەر سىلكىنىسى بولدى" دەگەن پىكىرىنە قاتىستى ساۋال جولدادى، دەپ حابارلايدى Alash.KZ ۇلتتىق پورتالى
بەكبولات باۋىرىما بىرەر سۇراق:
1. قۇداي قازاققا ءوش پە؟ نەگە ، شۆەسيۋ، نورۆەگيۋ، فينليانديۋ، مالتۋ ي باربادوس ەلدەرىندە ەشقاشان جەردى سىلكىمەيدى، ال قازاقستانداعى جەردى سىلكيدى؟
2. قۇداي نەگە الماتىعا وشىگىپ العان؟ نەگە سولتۇستىك وبلىستاردا جەردى سىلكىمەيدى؟ ەگەر تاڭىرشىلدەر ءوز قۇرىلتايىن استانادا نە كوشەتاۋدا جاساسا نە بولار ەدى؟ سول جەردى سىلكيدى مە، جوق ءبارىبىر سول الماتىعا كارىن توگە بەرە مە؟جالپى بەكبولات كوزى اشىق، كوپ وقىعان ادامسىڭ عوي، جەردىڭ سىلكىنىسى جايلى عىلىم نە دەيدى ەكەن؟ عىلىمدى وقىعان ادامداردىڭ جازعانىن ءبىر شولىپ شىقساڭ. دىندە دە "وقى، وقى جانە وقى" دەگەن عوي. تەك قۇراندى عانا وقي بەرمەي گەوگرافيا، سەيسمولوگيا دەگەن عىلىمعا دا ءبىراۋىق ۋاقىت ءبولىپ، سودان كەيىن پىكىرىڭدى تاعى ءبىر جازىپ شىقساڭ، - دەپ جازدى احمەتبەك نۇرسيلا.  
 
 الەۋمەتتىك جەلىدە بۇرىنعى دەپۋتاتتىڭ سوزىنە قاتىستى پىكىر ايتىپ جاتقانداردىڭ قاراسى قالىڭ. ولاردىڭ باسىم بولىگى بەكبولات تىلەۋحان ايتقان پىكىرمەن كەلىسپەيتىنىن بىلدىرگەن: 
"كاپىر توق بولسا مۇسىلمان تىنىش " دەگەن ءسوز بار بىزدە، ءبىراق ءسوزدى بەكبولات دۇرىس قولدانىپ وتىرعان جوق، - بۇل جەردەگى "كاپىر" - ول ءار ادامنىڭ ىشىندەگى قىزىل ءيتى، ءناپسى، ال مۇسىلمان دەگەنى- رۋح، جان، جۇرەك. اش، جالاڭاش ادامنىڭ جانى تىنىش بولا المايدى دەگەن ءسوز بۇل"؛

"ورتا عاسىردىڭ ميفولوگيالىق ەرتەگىلەرى، 21- عاسىر ادامدارىنا وتپەي قالعانىن وسىلار ءالى تۇسىنە الماي جۇرگەن سياقتى"؛
 
"ءبىراق، بۇل كىسى تۇك تە ءبىلىمسىز ادام ەمەس قوي. وسىلاي ايتۋىنا نە سەبەپتەر سوندا؟"؛
 
"مىنانىڭ ورەسى تىم تومەن ەكەن.
بىرىنشىدەن جەر دۇنيەنى جاراتقان اللا بولسا،
وندا ول نەگە ءوزى جاراتقان ادامدى ەكىگەبولىپ، مۇسىلمان-كاپىر قىلىپ قويعان؟
كاپىرگە ءالى كەلمەيتىن ول نەعىلعان اللا؟
ادامنىڭ ويىن،اۋزىنا ءسوز سالاتىن ،اللا بولسا.
اللا ءوزى جاراتقان ادامدى تۇزەتە المايدى دەگەنگە ەسى دۇرىس ادام سەنەمە؟
مۇسىلماندار (يسلاميستەر) سۇنيت-شەيىت بولىپ سوعىسىپ ءجۇر نەگە؟
يسلامنىڭ 73 اعىمىنىڭ باسى نەگە بىرىكپەيدى؟
كاپىردى جاراتقان كىم،اللا ەمەس پە؟؟
بۇل جەردە سۇراق كوپ..."؛
 
"جاسى كەلگەندە بەكبولاتتا الجيىن دەدى. "اڭقاۋ ەلگە ارامزا مولدا" - دەگەن ماقال ەسىمە ءتۇسىپ وتىرعانى" دەپ جازدى وقىرماندار. 
بۇل ماقالا تۋرالى نە ويلايسىز؟