ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

بيشىمبايەۆ ءىسى بويىنشا القا بيلەرگە 200 ملن تەڭگە پارا بەرمەك بولعان ايەلدىڭ ۇستالعانى راس پا؟ ەرتىسبايەۆ جاۋاپ بەردى

03 ماۋسىم 2024 1972

بيشىمبايەۆ ءىسى بويىنشا القا بيلەرگە 200 ميلليون تەڭگە پارا بەرمەك بولعان ايەل ۇستالعان. بۇل تۋرالى ەرمۇحامەد ەرتىسبايەۆ مالىمدەدءى، - دەپ حابارلايدى Alash.kz

ايەل 17 مامىردا ۇستالعان دەپ حابارلايدى Dalanews.kz.

ەرتىسبايەۆتىڭ سوزىنشە، ۇستالعان ايەل ايتبەك امانگەلدىنىڭ سۇحباتتارىنىڭ بىرىندە ءسوز بولعان. ايتبەك امانگەلدى ايتىپ وتىرعان ايەل بىلتىر قازاندا بيشىمبايەۆ بالا قاعىپ ولتىرگەنىن ايتقان.

ەرتىسبايەۆ بۇل جالعان اقپارات ەكەنىن، ءىىم بۇل اقپاراتتى رەسمي جوققا شىعارعانىن ايتادى.

ال ۇستالعان ايەل بيشىمبايەۆتىڭ ۇيىنە دەيىن كەلگەن كورىنەدى. بيشىمبايەۆتار انتيكورعا ارىز جازعان. انتيكور ول ايەلدى ۇستاعان.

«مەنىڭ دەرەككوزدەرىمنىڭ مالىمەتىنشە، ۇستالعان ايەل تەرگەۋدە ەشقانداي اقپارات بەرمەي، ونىڭ ارتىندا دوكەيلەر تۇرعانىن ايتادى. سوندىقتان بيشىمبايەۆقا قاتىستى سوت ءالى اياقتالعان جوق. الدا ءالى كۇتپەگەن جايتتار بولادى. ەگەر ول اقشا سوتتىڭ شەشىمىنە اسەر ەتۋگە ارنالعان بولسا، القابيلەردىڭ شەشىمىنە كۇمان كەلۋى مۇمكىن. بۇل تەك بولجام. انتيكوردىڭ بۇل ءىس بويىنشا رەسمي جاۋابىن كۇتۋ كەرەك»، - دەيدى ەرتىسبايەۆ.

بۇل ماقالا تۋرالى نە ويلايسىز؟