ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ىستانبۇلدا كەنەتتەن الىپ عيمارات وپىرىلىپ، تۇرعىنداردى باسىپ قالدى

02 ماۋسىم 2024 2080
2024 جىل، 2 ماۋسىمىندا ىستامبۇلدىڭ كارتالتەپە اۋدانىندا ءتورتقاباتتى عيمارات وپىرىلىپ، ءۇيىندى استىندا ادامدار قالىپ قويدى. جەتى ادام قۇتقارىلدى، تاعى ەكەۋىنىڭ ءالى تابىلماي جاتقانى ايتىلدى، دەپ حابارلايدى Alash.KZ ۇلتتىق پورتالى. 

ىستامبۇلدىڭ كارتالتەپە اۋدانىنداعى بەلەديە كوشەسىندە ورنالاسقان ءتورتقاباتتى عيمارات جەرگىلىكتى ۋاقىت بويىنشا ساعات 08:45 شاماسىندا (استانا بويىنشا 10:54) قۇلادى، دەپ حابارلادى NTV تۇرىك تەلەارناسى. عيماراتتىڭ قيراۋ سەبەبى بەلگىسىز.

عيماراتتىڭ قيراۋ ءساتى سىرتقى باقىلاۋ بەينەكامەرالارىنا ءتۇسىپ قالعان. 

ىستامبۇل قالاسىنىڭ اكىمى داۆۋت گۇل 1988 جىلى سالىنعان عيماراتتىڭ قيراپ، ءۇيىندى استىنان جەتى ادامنىڭ الىنعانىن، ءالى ەكى ادام تابىلماي جاتقانىن مالىمدەدى.

"وقيعا ورنىنا شۇعىل جەتكەن بريگادالار ۇيىندىلەردى ارشۋ جۇمىستارىن جالعاستىرۋدا. اپات بولعان جەرگە جىلدام جەتۋ ءۇشىن كوشەلەردە قاۋىپسىزدىك جولاقتارى قۇرىلدى. پوليسيا دا ايماقتاعى قاۋىپسىزدىك شارالارىن قابىلدادى"، دەلىنگەن تەلەارنا سيۋجەتىندە.
عيماراتتىڭ وپىرىلۋ سەبەبى بەلگىسىز. 
بۇل ماقالا تۋرالى نە ويلايسىز؟