ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

اقتوبەدە بەيتانىس ەر ادام دارىگەردى ءۇيىنىڭ بالكونىنان كىرىپ زورلىقپەن ولتىرگەن (ۆيدەو)

23 ءساۋىر 2024 542

اقتوبە وبلىسىندا بەيتانىس ەر ادام دارىگەردى ءولتىرىپ كەتتى. بۇل تۋرالى بەلسەندى دينا ءتاڭسارى مالىمدەدى.

اقتوبە قالاسى مارەسيەۆ كوشەسىندەگى كوپقاباتتى ءۇيدىڭ پاتەرىندە پىشاق جاراقاتىن العان ايەلدىڭ دەنەسى تابىلدى. دينا ءتاڭسارى پوليسيا دەپارتامەنتى «ادام ءولتىرۋ» دەرەگى بويىنشا سوتقا دەيىنگى تەرگەۋدى باستاپ كەتكەنىن ايتادى.

«قىز - ەندوكرينولوگ. ماماندىعىن 9 جىل وقىعان. بەلگىسىز ءبىر جىگىت ونىڭ ارتىنان اڭدىعان. كەشە بالكوننان شىعىپ، قىزدى پىشاقتاپ كەتكەن.»، - دەپ جازدى قوعام بەلسەندىسى ءوزىنىڭ فەيسبۋك پاراقشاسىندا.


اقتوبە وبلىستىق دەنساۋلىق ساقتاۋ باسقارماسىنىڭ باسشىسى نۇربول تىمپييەۆتىڭ ايتۋىنشا، قازا بولعان ايەل - دارىگەر. ول ەڭبەك دەمالىسىندا بولعان.

«ايەل ادامنىڭ پىشاق جاراقاتتارى تۇرىندەگى زورلىق-زومبىلىقپەن ءولتىرۋ بەلگىلەرى بار ءمايىتى تابىلدى. ۇستاۋ كەزىندە كۇدىكتى قارسىلىق كورسەتىپ، پوليسيا قىزمەتكەرىن جاراقاتتاپ، وقيعا ورنىنان كولىكپەن قاشىپ كەتكەن. قۋدالاۋ كەزىندە كۇدىكتى بىرنەشە اۆتوكولىكتى سوعىپ، اقتوبە-بولگاركا جولىندا اۋدارىلدى. كۇدىكتى ۇستالدى»، - دەپ حابارلادى وبلىستىق پد باسپا ءسوز قىزمەتى.

بۇل ماقالا تۋرالى نە ويلايسىز؟