65 جاستاعى شۋسينسك تۇرعىنى بالالار ۇيىنەن اسىراپ العان بالالارىن ۇرىپ، بىرەۋىن ءتورت جىل بۇرىن ءولتىرىپ، ءۇي اۋلاسىنا كومگەن. بۇل تۋرالى Alash.kz KTK تەلەارناسىنا سىلتەمە جاساپ حابارلايدى.
پوليسەيلەر بالانىڭ ءولىمى تۋرالى مۇلدەم كەزدەيسوق بىلگەن. وتكەن اپتادا سوققىعا جىعىلعان بەس جاسار بالا بالالار اۋرۋحاناسىنا جەتكىزىلدى. وعان باس سۇيەك-مي جاراقاتى، باسىنىڭ ارتقى جاعىنداعى گەماتوما دياگنوزى قويىلعان ءارى ميى شايقالعان. اسىراپ الۋشى اسىعىستىقپەن تۋۋ تۋرالى كۋالىكتى ارالاستىرىپ العان بولۋى مۇمكىن. سودان پوليسيا كۇدىكتىنىڭ وتباسىنا بارۋدى ۇيعاردى. ءدال سول كەزدە تۋۋ تۋرالى كۋالىكتىڭ يەسى 4 جىل بۇرىن كوز جۇمعانىن انىقتاعان. ونىڭ ءمايىتى باقشاعا جەرلەنگەن.
ءقازىر تەرگەۋشىلەر كىسى ءولتىرۋ مەن ۇرىپ-سوعۋعا 30 جاستاعى ايەلدىڭ قاتىسى بار-جوعىن تەكسەرىپ جاتىر. بۇل وتباسىندا بالالار ءۇيىنىڭ جەتىم بالالارى پاتروناتتىق تاربيەگە، قورعانشىلىققا نەمەسە اسىراپ الۋعا الىنعان. ارنايى تەكسەرىس باستالدى.
“بالانىڭ دەنەسى تابىلعان سوڭ قىلمىستىق كودەكستىڭ 99-بابى 3-بولىگى "ادام ءولتىرۋ" بويىنشا سوتقا دەيىنگى تەرگەۋ باستالدى. بۇعان دەيىن 2018 جىلعى بالانىڭ مەرت بولعانى انىقتالعان، الايدا ءتيىستى مەملەكەتتىك ورگاندارعا ءولىم جانە جەرلەۋ فاكتىسى تۋرالى حابارلانباعان. قازىرگى ۋاقىتتا سوت-مەديسينالىق جانە ءبىرقاتار ءتيىستى ساراپتامالار تاعايىندالدى”، – دەپ مالىمدەدى اقمولا وبلىستىق پوليسيا دەپارتامەنتى باستىعىنىڭ ورىنباسارى باقتيار وتەكين.
