قۋاندىق بيشىمبايەۆتىڭ سوتى تۋرالى سيۋجەتتە القابيلەردى ەلگە كورسەتىپ قويعان "كتك" ارناسى جۋرناليستەرىنىڭ ۇستىنەن اكىمشىلىك قۇقىقبۇزۋشىلىق تۋرالى ءىس قارالىپتى.
سوت باسىنان باستاپ ب ا ق وكىلدەرىنە سوت ۇكىمىن شىعارعان كەزدە ولاردىڭ وبەكتيۆتىلىگىنە اسەر ەتپەۋى ءۇشىن القابيلەردى كورسەتۋگە رەسمي تۇردە تىيىم سالعان بولاتىن. الايدا كتك ارناسى سيۋجەت بارىسىندا القابيلەردى قاتار الىپ، بۇل ۆيدەو TikTok جەلىسىندە تاراپ كەتتى.
سالدارىنان قازاقستاندىقتار القابيلەردى كوردى. وسىدان كەيىن سوت ب ا ق قىزمەتكەرلەرىن زالدان شىعارۋ تۋرالى شەشىم قابىلدادى.
كەيىن كتك قىزمەتكەرلەرىنە قاتىستى اكىمشىلىك قۇقىق بۇزۋشىلىق تۋرالى كودەكستىڭ 653-بابى (سوتتى قۇرمەتتەمەۋ) بويىنشا حاتتاما تولتىرىلىپ، ءۇش ادام - كوررەسپوندەنت اننا ابراموۆا، وپەراتور ابىلحان سامبەتوۆ جانە باس رەداكتور الەكساندر پودوينيكوۆ جاۋاپقا تارتىلدى.
العاشقى ەكەۋى كىنانى تولىق مويىندادى. ال ولاردىڭ جەتەكشىسى كىنانى ءىشىنارا مويىندادى. ۇشەۋىنە دە 20 اەك ايىپپۇل سالىنىپ، 5 تاۋلىك مەرزىمگە اكىمشىلىك قاماۋعا الۋ تۋرالى جازا قولدانىلعان ەدى.
الايدا سوت كەيىن ەسكەرتۋمەن شەكتەلىپ، ەشكىمدى قاتتى جازالاماۋعا شەشىم قابىلدادى.
جۋرناليستەر سوت قاۋلىلارىنا شاعىمدانۋعا قۇقىلى.
