ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

«شەت مەملەكەتتىڭ ادامدارىنا جەر بەرمەيمىز» - تۇركىستان وبلىسىنىڭ اكىمى دارحان ساتىبالدى

21 ءساۋىر 2024 219

«شەت مەملەكەتتىڭ ادامدارىنا جەر بەرمەيمىز». بۇل پىكىردى تۇركىستان وبلىسىنىڭ اكىمى دارحان ساتىبالدى  تۇرىك ينۆەستورلارىمەن وتكەن كەزدەسۋدە ايتتى، دەپ حابارلايدى Alash.kz ۇلتتىق پورتالى.

"شەت مەملەكەتتىڭ ادامدارىنا جەر بەرمەيمىز. جەر بەرۋگە بولمايدى"،- دەدى دارحان ساتىبالدى.

بەلگىلى بولعانداي، تۇرىك ينۆەستورلارى تۇركىستان وبلىسى، شاردارى اۋدانىندا تامشىلاتىپ سۋارۋ ءادىسىن پايدالانۋ ارقىلى جۇگەرى ەگىپ، وڭىردە زاۋىت سالۋعا نيەتتى.  

ءوز كەزەگىندە ايماق باسشىسى مەملەكەتتەن جان-جاقتى قولداۋ بولاتىنىن ايتىپ، ينۆەستورلارعا زاۋىت اشۋدا قويىلاتىن باستى تالاپتاردى ءتۇسىندىرىپ،جەرگىلىكتى تۇرعىندارعا جاڭا كاسىپتىڭ قىر-سىرىن ۇيرەتۋگە شاقىردى.

"ءسىز، مىسالى ءۇشىن كەلەسىز. جەرگىلىكتى تۇرعىندارعا جۇگەرى قالاي وسىرىلەتىنىن ۇيرەتەسىز. جەر وسى قازاقستان ازاماتىنىكى بولۋى كەرەك. وسى ماقساتتا كەلىسىم-شارتقا وتىراسىزدار. جۇڭگو مەملەكەتىنەن ماقتا-توقىما كلاستەر جاساۋعا كەلگەن. ولارعا دا ايتقانبىز. بىزدە جەردى تەك قازاقستان ازاماتى عانا الا الادى. ولار كەلىستى. وندا مەملەكەتتىڭ بالانسىندا بولسىن دەدى. ءبىز الەۋمەتتىك-كاسىپكەرلىك كورپوراسياسىنا بەردىك. اكك سىزدەرمەن كەلىسىم-شارتقا وتىرادى. سىزدەر ءبىزدىڭ جەرگىلىكتى حالىققا جۇگەرى ەگۋدىڭ جولدارىن ۇيرەتەسىزدەر، شىققان ءونىمدى سىزدەرگە بەرەدى" - دەدى ءوز سوزىندە وبلىس اكىمى.

بۇل ماقالا تۋرالى نە ويلايسىز؟