مەملەكەت باسشىسى قاسىم-جومارت توقايەۆ "قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى، دەپ حابارلايدى Alash.KZ ۇلتتىق پورتالى.
زاڭ مەديسينا قىزمەتكەرلەرىن قۇقىقتىق جانە قارجىلىق تۇرعىدان قورعاۋ جۇيەسىن ەنگىزۋگە جانە ولاردىڭ جاۋاپكەرشىلىگىن ارتتىرۋعا، سونداي-اق جاستار اراسىندا قۇرامىندا نيكوتينى بار زاتتاردىڭ تارالۋىنىڭ الدىن الۋ جانە وعان قارسى كۇرەسۋ ءۇشىن جۇيەلى شارالار قابىلداۋعا باعىتتالعان، دەلىنگەن اقوردا باسپا ءسوز قىزمەتىنىڭ حابارلاماسىندا.
زاڭدا شەگۋگە كەلمەيتىن تەمەكى ونىمدەرىن، ۆەيپتەردى، حوش يىستەندىرگىشتەردى جانە ولارعا ارنالعان سۇيىقتىقتاردى ساتۋعا، تاراتۋعا، سونداي-اق ولاردى جارنامالاۋعا تىيىم سالۋ قاراستىرىلعان.
ەسكەرتە كەتەيىك، بۇل نورما رەسمي جاريالانعاننان كەيىن 60 كۇن وتكەن سوڭ قولدانىسقا ەنگىزىلەدى.
زاڭنىڭ ءماتىنى باسپاسوزدە جاريالاناتىنى ايتىلدى.
