ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

تاسقىننان كەيىنگى تاڭ. اقتوبەدە سۋعا كەتكەن اشا تۇياق ءۇشىن وتەماقى تولەنە باستادى

20 ءساۋىر 2024 237

اۋىل شارۋاشىلىعىندا شىعىنعا ۇشىراعان اشا تۇياق يەلەرىنە وتەماقى تولەنە باستادى. سۋ تاسقىنى سالدارىنان ولگەن 165 باس مال ءۇشىن 25 ميلليون تەڭگە اۋدارىلعان، دەپ حابارلايدى Alash.KZ ۇلتتىق پورتالى اقتوبە وبلىسىنىڭ اكىمدىگىنە سىلتەمە كورسەتە وتىرىپ.

وبلىس اكىمدىگىنىڭ دەرەگىنە سەنسەك، وڭىردە 3232 باس مال ءولدى دەگەن دەرەك تىركەلگەن. ورتەلگەن 3120 مالدىڭ كوبى ارنايى قۇرىلعىمەن، ياعني ينسەنەراتورمەن جويىلعان.

ءبىر ايتا كەتەرلىگى، مال يەلەرىنە وتەماقى تولەۋ باستالدى. 165 باس مالعا 25 ميلليون تەڭگە قاراجات ءبولىندى. وتىنىمدەرگە سايكەس بارلىعى وتەلەدى. شىعىننىڭ دەنى – ويىل اۋدانىندا، - دەيدى وبلىستىق اۋىل شارۋاشىلىعى جانە جەر قاتىناستارى باسقارماسىنىڭ باسشىسى قۇسايىن سارسەمباي.

ويىل اۋدانىنا جۇمىس ساپارىمەن بارعان وبلىس اكىمى اسحات شاحاروۆ مال ولەكسەلەرىنىڭ ۋتيليزاسيالاۋ بارىسىمەن تانىستى.

قازىرگە دەيىن مال شىعىنى تىركەلگەن 6 اۋداننىڭ بەسەۋىندە ولەكسەلەردى ورتەۋ جۇمىستارى تولىقتاي اياقتالدى. بۇل شارالارعا رەسپۋبليكالىق ەپيزووتياعا قارسى وتريادتىڭ 19 قىزمەتكەرى مەن وبلىستاعى ماماندار تارتىلعان.

وبلىستىق ۆەتەريناريا باسقارماسىنىڭ باسشىسى ايبەك سەمبايدىڭ ايتۋىنشا، كومىلگەن ولەكسەلەردىڭ اۋاعا ەش زيانى جوق. ورتەنگەن مال ولەكسەلەرىنىڭ ك ۇلى ور-شۇڭقىرلارعا توپىراقپەن كومەدى. مۇندا دەزينفەكسيا جۇمىستارى جۇرگىزىلەدى.

بۇل ماقالا تۋرالى نە ويلايسىز؟