رەسەيدىڭ تۇمەن وبلىسىنداعى تۇمەن قالاسى ماڭىنداعى ەسىل وزەنىندە سۋ دەڭگەيى تاڭعى ساعات 08:00-دە (جەرگىلىكتى ۋاقىتپەن ساعات 06:00) 1051 سم-گە دەيىن كوتەرىلدى، دەپ حابارلايدى alash.kz سايتى تاسس اقپارات اگەنتتىگىنە سىلتەپ.
بۇل تۋرالى ايماق باسشىلىعىنىڭ اقپارات ورتالىعىنان حابارلادى.
يلينكا ەلدى مەكەنىندە ەسىلدەگى سۋ دەڭگەيى ءبىر تاۋلىكتە 12 سم-گە تومەندەدى. اباتسكيي، سترەحنينو جانە كوركينو ەلدى مەكەندەر اۋماعىندا سۋ دەڭگەيى جارتى مەتردەن استامعا كوتەرىلدى. سونىمەن قاتار ەرتىس وزەنىندە دە سۋ دەڭگەيى كوتەرىلىپ، ۋۆات جانە دەميانسكوە ەلدى مەكەندەرىندە تاۋلىگىنە سايكەسىنشە 75 سم جانە 65 سم قۇرادى.
20 ساۋىردە ساعات 20:00-دەگى مالىمەت بويىنشا، ەسىل ماڭىنداعى سۋ دەڭگەيى ءبىر مەزگىلدە 1006 سم-گە دەيىن كوتەرىلگەن. بۇل رەتتە ءبىر تاۋلىكتە سۋ دەڭگەيى 140 سم-گە ءوستى.
بۇرىن حابارلانعانداي، رەسەيدىڭ تۇمەن وبلىسىندا سۋ تاسقىنى بولۋى مۇمكىن اۋماق ايتارلىقتاي ۇلعايعان. تۇرعىندارعا بوگەت بۇزىلۋ ءقاۋپى تۋرالى دا ەسكەرتىلدى.
