بىرىككەن ۇلتتار ۇيىمىنىڭ حالىق قورى (UNFPA) 2024 جىلعى دۇنيەجۇزىلىك حالىق جاعدايى تۋرالى ەسەبىن «توعىسقان ومىرلەر، ءۇمىت اعىندارى: جىنىستىق جانە رەپرودۋكتيۆتى دەنساۋلىقتى جانە سوعان بايلانىستى تەڭسىزدىكتەردى توقتاتۋ» تاقىرىبىمەن جاريالادى. بۇل تۋرالى alash.kz سايتى تۇركيانىڭ TRT باسىلىمىنا سىلتەمە جاساپ حابارلاعان ازاتتىق رۋحىنا سىلتەمە بەرەدى.
باسىلىم مالىمەتىنشە، بيىلعى ەسەپتە بۇكىل الەمدە جىنىستىق جانە رەپرودۋكتيۆتى دەنساۋلىق سالاسىنداعى تەڭسىزدىكتىڭ ارتىپ وتىرعانى اتاپ ءوتىلدى.
ەسەپكە قاراعاندا، افريكاداعى ايەلدەردىڭ جۇكتىلىك پەن بوسانۋعا بايلانىستى اۋرۋدان قايتىس بولۋ ىقتيمالى ەۋروپاداعى نەمەسە سولتۇستىك امەريكاداعى ايەلدەرگە قاراعاندا 130 ەسە كوپ.
دۇنيە جۇزىندەگى حالىق سانىنىڭ 8 ميلليارد 119 ميلليونعا جەتكەنى بىلدىرىلگەن ەسەپتە ءۇندىستان حالقىنىڭ 1 ميلليارد 441 ميلليونعا جەتكەنى اتاپ ءوتىلدى.
ءۇندىستاننىڭ 1 ميلليارد 425 ميلليون حالقى بار قىتايدى باسىپ وزىپ، ءبىرىنشى ورىنعا كوتەرىلۋىنە الەۋمەتتىك-ەكونوميكالىق جاعدايدىڭ جاقسارۋى، انا ءولىمىنىڭ ازايۋى ىقپال ەتكەنى ايتىلدى.
بۇۇ دەرەكتەرىنە سايكەس، جۇڭگو حالقىنىڭ سانى 2022 جىلى 1،426 ميللياردقا جەتكەننەن كەيىن ازايا باستادى. ساراپشىلاردىڭ بولجاۋىنشا، جۇڭگو حالقىنىڭ سانى وسى عاسىردىڭ سوڭىنا قاراي 1 ميلليارد از بولادى.
