ءتىرى بولسام، قازاققا قىزمەت ەتپەي قويمايمىن!

ءاليحان بوكەيحان

ۇيلەرى سۋعا كەتكەن جاندارعا مەملەكەت اقشانى قولما-قول بەرە مە؟

23 ءساۋىر 2024 355
ونەركاسىپ جانە قۇرىلىس ءمينيسترى قانات شارلاپايەۆ سۋ تاسقىنىنان زارداپ شەككەن ازاماتتارعا تولەنەتىن وتەماقى قولما قول بەرىلمەيتىنىن مالىمدەدى. 

– مەملەكەت ەشقانداي قاراجاتتى ەشكىمگە قولعا بەرمەيدى. ءار ادام ءارتۇرلى. قوعامدا جاۋاپكەرشىلىگى بار نەمەسە جاۋاپكەرشىلىگى جوق ادامدار بار. قازىرگى تاڭدا ءۇيدى قايتا سالۋ ءۇشىن قولعا قاراجات بەرسەك، ول ادام جەكە ماقساتىنا جۇمساسا، قىستا ول ادامدى نە ىستەيمىز؟ سوندىقتان مەملەكەتتىڭ شەشىمى وسىنداي، - دەدى شارلاپايەۆ ۇكىمەتتىڭ باسپا ءسوز ءماسليحاتىندا.

مينيستر سۋ تاسقىنىنان زارداپ شەككەن ازاماتتاردا ەكى تاڭداۋ بار ەكەنىن ايتتى.

– ءۇيدى قايتىپ تۇرعىزادى، بولماسا اكىمدىك ارقىلى ەكىنشى نارىقتان پاتەرلەر الادى. ءبىراق جوندەۋ جۇمىستارىن اكىمدىك پەن قۇرىلىس كومپانيالارى جاسايدى. اكىمدىك شەشىمى بويىنشا تەك بىرنەشە وڭىردە قولدارىنا قاراجات بەرەمىز. بۇل تەك جوندەۋ جۇمىستارىنا عانا، - دەدى ۆەدومستۆو باسشىسى.

بۇل ماقالا تۋرالى نە ويلايسىز؟