مەملەكەتتىك قىزمەتشىلەر بىرنەشە شارۋا قوجالىقتارىندا ەشقانداي جۇمىس اتقارىلماي، جابدىقتار قويىلماي، جۇمىستىڭ تولىق ورىندالعانى تۋرالى جالعان قۇجات ازىرلەگەن جانە اقپاراتتى «Qoldau.kz» جۇيەسىنە ەنگىزىپ، سۋبسيديا بەرۋ تۋرالى وتىنىمگە ەلەكتروندى قول قويعان.
قما باسپا ءسوز قىزمەتىنىڭ مالىمەتىنشە، كاسىپكەر تۇلعالار كەلىسىم-شارت سوماسىنىڭ 10% كولەمىندە سىياقى ءۇشىن جالعان قۇجات ازىرلەپ، قارجى جىمقىرعان.
– سوت شەشىمىمەن وبلىستىق اۋىلشارۋاشىلىق باسقارماسىنىڭ ءبولىم باسشىسى مەن باس مامانى كىنالى دەپ تانىلىپ، مەملەكەتتىك ۇيىمداردا ماتەريالدىق نەمەسە قارجى اۋدارىمىنا نەگىز بولاتىن قۇجاتتارعا قول قويۋ قۇقىعى جۇكتەلەتىن لاۋازىمداردى اتقارۋ قۇقىعىنان 3 جىلعا ايىرا وتىرىپ، 2 جىل مەرزىمگە شارتتى تۇردە باس بوستاندىعىن شەكتەۋ جازاسىن الدى، – دەلىنگەن حابارلامادا.