«Prezıdenttiń aýyrlatatyn mán-jaı bolmaǵanda jazany jeńildetý týraly tapsyrmasyna sáıkes biraz jumys atqaryldy. Jalpy sotta Qańtar oqıǵasyna qatysty 9213 ákimshilik is qaraldy. Sot sheshimine sáıkes mán-jaıdyń jeńildigin eskere otyryp 4561 tulǵaǵa eskertý jasaldy, prokýrorlardyń ótinish-hatynyń negizinde 1083 adam qamaýdan bosatylyp, 490 aıyppul jazasy eskertýge aýystyryldy. Qazirgi ýaqytta 362 adam ákimshilik qamaýǵa alynyp, 1245 tulǵaǵa aıyppul salyndy», – dedi Eldos Qılymjanov.
Sondaıaq ol qańtar oqıǵasyna qatysty ózge de derekterdi aıtty.
«Prokýrorlar Almaty qalasynyń ýaqytsha ustaý ızolátoryn tekserý kezinde dene jaraqaty bar 73 adamdy anyqtady. Onyń ishinde úsheýine qatysty bultartpaý sharasy ózgertildi, olar qazir bostandyqta.
Bizdiń nusqaýmen ustalǵandardyń arasynda oq jaraqatyn alǵan 29 adam qalalyq aýrýhanaǵa jatqyzyldy. Qamaýǵa alynyp, jaraqat alǵan 41 adam tikeleı ızolátorda em alýda. Qatygezdikpen qaraý, sondaı-aq medısınalyq kómekti kórsetpeý jaǵdaılaryn táýelsiz tekserý maqsatynda adam quqyqtary jónindegi ýákil jáne basqa da adam quqyǵyn qorǵaý uıymdaryna ustaý mekemelerine kirýge ruqsat berildi», – dedi Bas prokýratýranyń Birinshi qyzmet bastyǵynyń orynbasary Eldos Qılymjanov.