Tiri bolsam, qazaqqa qyzmet etpeı qoımaımyn!

Álıhan Bókeıhan

Polısıa azaptaýy boıynsha 91 shaǵym túsken

24 qańtar 2022 111
Ereýilden keıin ustalǵandardy azaptap jatyr degen aqparatqa Bas prokýratýra túsinik berdi.

Ázirge 91 shaǵym túsken. 19 shaǵym boıynsha kórsetilgen zańbuzýshylyq rastalmady. Keı jaǵdaılarda azamattardyń quqyǵy buzylǵany rastaldy. 12 qańtarda Almatyda zańsyz qamaýda otyrǵan 24 qala turǵyny bosatyldy. Ustalǵandarǵa qatysty adam ólimi, azaptaý, bıligin asyra paıdalaný derekterimen qylmystyq ister tergelý ústinde. Respýblıka boıynsha osyndaı 16 qylmystyq is bastaldy.

QR Bas prokýratýrasy elde bolǵan jappaı tártipsizdik kezinde ustalǵan azamattardy azaptap jatyr degen aqparatqa resmı túsinik berdi, dep habarlaıdy QazAqparat tilshisi.

«Búginde prokýratýraǵa azaptaý jáne polısıa qyzmetkerleriniń tergeý barysynda azamattardyń quqyǵyn buzý deregi boıynsha 91 shaǵym tústi. Ár shaǵymǵa shara qoldanyp jatyrmyz. 19 shaǵym boıynsha kórsetilgen zańbuzýshylyq rastalmady. Al 56-sy boıynsha tekserý júrip jatyr. Sondaı-aq, keı jaǵdaıda azamattardyń quqyǵy buzylǵany rastaldy. Mysaly, 12 qańtarda Almaty qalasynyń prokýratýrasynyń aralasýymen zańsyz qamaýda otyrǵan 24 qala turǵyny bosatyldy», - dedi QR Bas prokýratýrasy birinshi qyzmet basshysynyń orynbasary Eldos Qılymjanov OKQ-de ótken baspasóz máslıhatynda.

Onyń málimdeýinshe, atalǵan fakti boıynsha arnaıy prokýror tergeý júrgizip jatyr.

«Sonymen qatar, ustalǵandarǵa qatysty adam ólimi, azaptaý, bıligin asyra paıdalaný derekterimen qylmystyq ister tergelý ústinde. Respýblıka boıynsha osyndaı 16 qylmystyq is bastaldy. Odan bólek, quqyq qorǵaý organy qyzmetkerleriniń zańsyz áreketteriniń aldyn alý maqsatynda, barlyq óńirde arnaıy mobıldi toptar qurylǵanyn taǵy bir eske salamyz. Azamattar prokuror.gov.kz resmı saıtymen qatar, oblystyq jáne Bas prokýratýranyń senimdi telefony arqyly júgine alady», - deıdi ol.
Bul maqala týraly ne oılaısyz?