Tiri bolsam, qazaqqa qyzmet etpeı qoımaımyn!

Álıhan Bókeıhan

UBT saýdagerleri. Test derekterin kóshirgen oraldyq eki turǵyn sottaldy

26 mamyr 2024 285

Ulttyq testileý ortalyǵynyń qyzmetine zańsyz aralasqan Oral qalasynyń eki turǵyny sottaldy. Bul týraly QR UQK baspasóz qyzmeti habarlady, dep jazdy Alash.KZ ulttyq portaly. 

UQK málimetinshe, Oral qalasy sotynyń úkimimen QR Qylmystyq kodeksiniń 206, 250 jáne 198-baptarynda kózdelgen qylmystardy jasaǵany úshin atalǵan eki azamattyń árqaısysy 2 jyl 6 aıǵa bas bostandyǵynan aıyrý jazasyna kesildi.

«Sondaı-aq olar komersıalyq uıymdarda 5 jyl merzimge basshylyq laýazymdardy atqarý quqyǵynan aıyryldy. Úkim shyǵarýǵa UQK-niń is júrgizý materıaldary negiz boldy. Anyqtalǵandaı, sottalýshylar 2021-2022 jyldary Qazaqstan Ǵylym jáne joǵary bilim mınıstrligi Ulttyq testileý ortalyǵynyń zańmen qorǵalatyn aqparatyna qol jetkizip, kóshirgen. Úkim zańdy kúshine endi», - delingen habarlamada.
Bul maqala týraly ne oılaısyz?