Tiri bolsam, qazaqqa qyzmet etpeı qoımaımyn!

Álıhan Bókeıhan

4-qabattan qulap ketpek bolǵan balany qutqaryp qalǵan batyrdyń anasyna uıaly telefon syılandy

23 mamyr 2024 1996

Astana qalasyndaǵy turǵyú úılerdiń biriniń 4-qabatynan qulap ketpek bolǵan kishkentaı balany óz erligimen qutqaryp qalǵan 7-synyp oqýshysynyń anasyna "Respýblıka" partıasynyń atynan uıaly telefon syılandy, dep habarlaıdy Alash.kz.

«Siz neni armandaısyz?»,- dep surady Aıdarbek Qojanazarov jaqynda joǵarǵy qabattan qulap bara jatqan balany qutqarǵan on tórt jasar batyrdan. «Anamnyń jańa telefony bolsa», - dep jaýap berdi Aqan.

"Respýblıka" partıasynyń ınstagram paraqshasyndaǵy jazbada, Búgin №31 mektep-gımnazıanyń 7 synyp oqýshysy Aqan Ákimjanov Respublica partıasynyń elordalyq keńsesinde bolǵany jazyldy. Ata-anasy Zýhra men Asqar Ákimjanovpen birge ol partıa tóraǵasy, QR Parlamenti Májilisiniń depýtaty Aıdarbek Qojanazarovpen kezdesti.

Jetinshi synyp oqýshysy Astana qalasynda bolǵan qaıǵyly oqıǵanyń aldyn aldy. 20 mamyrda elorda turǵyn úı keshenderi biriniń aýlasynda alańsyz oınap júrgen balalar 4-qabattaǵy balkonnan shyryldap, qoly talǵannan qulaı jazdap turǵan balany kórdi. Oıyn balalarynyń arasynda júrgen Aqan kóp oılanbastan, kópqabatty úıge júgirip kirip, balany qutqardy.

Erligimen eldi súısindirgen er bala kópbalaly otbasynan shyqqan eken. Kishkentaılarǵa qamqorlyq jasap daǵdylanǵan ol syn saǵat týǵan jaǵdaıda onyń baýyrlaryna da basqa bireý janashyrlyq tanytyp, kómekteser edi, deıdi.

Partıalyqtar Aqanǵa aıpad syılamaq bolǵan edi. Endi oǵan qosyp, batyrymyzdyń anasyna da jańa telefon tabystaıtyn boldy.

«Ul tárbıesi - ult tárbıesi, deıdi halyq. Siz jaqsy ul tárbıeledińiz, ol naǵyz batyr bolyp er jetti. Meıirimdilik pen batyldyq sıaqty qasıetter barynsha keńinen nasıhattalýy tıis! Sizge jáne shańyraǵyńyzǵa amandyq pen jarqyn bolashaq tileımin!»- dedi partıa basshysy balanyń ata-anasyna rızashylyǵyn bildire otyryp.

Bul maqala týraly ne oılaısyz?