Mańǵystaý oblysynda ata-analar túlekterge ózderi jasyryn úı jaldap bergen, dep habarlaıdy Alash.kz Lada.kz saıtyna silteme jasap.
Aq jelken aýylynda kezekshilikte júrgen ustazdar túlekter mektep bitirýlerin jeke úılerde toılaǵanyn anyqtady.
Kafe jáne meıramhanalarmen qatar jeke úılerde de kesh uıymdastyrýǵa tyıym salynǵanyna qaramastan, túlekterdiń ata-analary sońǵy qońyraýdy toılaý úshin jasyryn túrde páter jaldaǵan bolyp shyqty.
Túlekterdiń ata-analary shekteýlermen tanys ekenderi týraly qolhat ta jazǵan bolyp shyqty.
Arnaıy shtab músheleri qaıta túsindirý jumystaryn júrgizdi.
“Ata-analar, kámeletke tolmaǵan balalaryńyzdyń qaýipsizdigine jaýapty sizdersizder. Aldyn ala bul týraly sizderge eskertildi. Bile tura osyndaı nárse jasap otyrsyzdar", – dep túsindirdi №15 orta mekteptiń dırektory Asqar Dosov.
Aıta keteıik, buǵan deıin jelide muǵalimderdi post jazýǵa májbúrlep jatqany týraly aqparat tarady. Aıtýlarynsha, olarǵa sońǵy qońyraýdyń ótpeıtini týraly sheshimdi qoldap pikir qaldyrý talap etilgen.
