Tiri bolsam, qazaqqa qyzmet etpeı qoımaımyn!

Álıhan Bókeıhan

Shymkentte óz ulyn baýyzdap óltirgen er adam jazadan qutylyp ketti

25 mamyr 2024 756

Shymkentte óz ulyn óltirgen er adamnyń jazadan qutylyp ketkeni aıtyldy, dep habarlaıdy Alash.KZ ulttyq portaly.

SMARTNEWS.KZ basylymynyń habarlaýynsha, sotqa deıingi tergep-tekserý barysynda er adamnyń qylmysty es-tússiz kúıde jasaǵany anyqtaldy. Sot quqyq buzýshyny psıhıatrıalyq dıspanserge májbúrlep emdeýge jiberdi.

"Sottyń qorytyndysy kýálardyń aıǵaqtarymen, zattaı dáleldemelermen jáne sot saraptamasynyń qorytyndylarymen rastalady. Prokýror A.Shaımýrzaevty “tyıym salynǵan áreketti esi durys emes jaǵdaıda jasaǵany úshin” qylmystyq jaýapkershilikten bosatýdy jáne oǵan emdeý túrindegi medısınalyq sıpattaǵy májbúrleý sharalaryn taǵaıyndaýdy surady. Jábirlenýshiler men qorǵaýshy tarap prokýrordyń pikirimen kelisti", – delingen sot habarlamasynda. 

İs materıaldaryna sáıkes, qaıǵyly oqıǵa "Nursát" shaǵyn aýdanyndaǵy kópqabatty úılerdiń birinde bolǵan. Páterde áke men bala arasynda janjal shyqqan. Janjal pyshaqtasýmen aıaqtalyp, sottalýshy 28 jastaǵy ulyna birneshe ret pyshaq suǵyp, keıin tamaǵyn kesip tastaǵan. Jábirlenýshi oqıǵa ornynda kóz jumǵan. Tergeý barysynda er adamnyń esi durys emes ekeni belgili boldy. Prokýror aıyptalýshyny qylmystyq jaýapkershilikten bosatýdy surady.

Bul maqala týraly ne oılaısyz?